Sagvåg skule 18.august 2009

Lars Bakka
rektor

*Oppdatering 19/8: Prognose for fråvere er redusert til 25%

I samband med samfunnsmessige konsekvensar av ein pandemi må einingane no arbeida med:

• kva direkte og indirekte konsekvensar eit arbeidsfråver på 40%* 25% vil innebera for eininga
• plan for å løysa desse utfordringane
  
  Sagvåg skule: Sjølv med eit sjukefråvære på 25% ved Sagvåg skule vil det framleis vere meir enn ein lærar pr. klasse. Årsaka til dette er at den god del elevar har spesialundervisning og ekstra ressursar til dette. I ein kritisk periode kan denne undervisninga takast vekk og assistentar kan ha tilsyn med dei elevane som treng denne ekstra hjelpa. Mange lærarar må i ein slik kritisk fase arbeide ein del overtid.
  Dersom mange tilsette er sjuke ein periode så er det ikkje så usannsynleg at også ein del elevar må hande senga.....
  
   
• kva kjerneutfordringar som må løysast utan omsyn til situasjonen (kritiske funksjonar)
  
  Sagvåg skule: Elevane som kjem til skulen må ha eit forsvarleg undervisningstilbod og tilsyn. Dette gjeld alle elevane, også dei elevane som har spesielle behov.
   
• oversyn over oppgåver som kan nedprioriterast for ein periode om naudsynt
  
  Sagvåg skule: Lærartettleiken knytt til spesialundervisning og styrkingstiltak (9t/v i småskulen)
   
• oversyn over kven som kan driva kjerneoppgåver (kritiske funksjonar) utover den faste bemanninga (inkl. personell utanfor eiga eining)
  
  Sagvåg skule: Ein må i ein slik situasjon sjå på heile kollegiet. Lærarar og assistentar må kan hende i endå større grad enn i dag gjere arbeid knytt til heile klassen.
   
• nye oppgåver som ein pandemi vil føra med seg for eininga
  
  Sagvåg skule:
  a) Informasjon til heimen og andre må haldast på eit høgt nivå.
  b) Mange tilsette vil få eit større arbeidspress med nye oppgåver
  c) Bortfall av reinhald og dermed hygiene vil vere ein kritisk faktor. Dersom dei tilsette med ansvar for reinhald vert sjuke, utan at det vert sett inn vikarar, så kan det verta vanskeleg å halde skulen open over tid.
   
• konsekvenser for ferieavvikling
  
  Sagvåg skule: Elevane og lærarane har ferie samstundes så dette er ikkje ei problemstilling i skulen.
   
• kritiske kundar/brukarar og planar for oppfølging av desse
  
  Sagvåg skule: Her vil først og fremst informasjon og kontakt med heimen til eleven stå i fokus.
   
• andre kritiske ressursar, t.d. naudsynte varer og tenester for å halda oppe drifta og evt. gjera naudsynte tiltak for å sikra levering under ein pandemi
  
  Sagvåg skule: Her kan ein tenkje seg at leveransar av skulemjølk og frukt kan bli råka utan at det er dramatisk for skuledrifta.
  Også skyssproblem i samband med skulebuss kan bli avlyst, utan at dette treng føre til noko anna enn at foreldra må bidra med transport.
   
• førebu tiltak for å redusera smittespreiing (hygiene, melding ved sjukdom/ omsorgsoppgåve m.m.)
  
  Sagvåg skule:
  a) Alle elevar og tilsette vaskar hendene i samband med måltid og elles når det passar gjennom skuledagen. Det er lagt godt til rette for dette ved Sagvåg skule med rikeleg med vaskar i undervisningsareala og toaletta.
  b) Det heng plakatar om handvask o.a. ved kvar vask.
  c) Frå og med skulestart 2008(!) meldte foreldra om på SMS om sjukdom før eleven skulle komme til skulen.
  d) Rutinar for utdeling av skulefrukt er endra for å unngå at fruktkorga vert smittekjelde. (Lærarane deler ut frukta til elevane og nytter eingongshanskar)
  e) Hausten 2009 er kantinedrifta til elevane avlyst. Dette for å unngå misstanke om at elevar er blitt sjuke grunna kantinedrifte.

Stord kommune

Teneste- og støtteeiningar

TILTAK I SAMBAND MED HØGT PERSONELLFRÅVER VED INFLUENSAPANDEMI.

Det går føre seg ei spreiing av H1N1 influensa over heile verda (pandemi), men sjukdommen har til no vore lite alvorleg for den einskilde. Alvor og smittespreiing er litt meir enn vanleg sesonginfluensa.

Mykje tyder på at dette i større grad vert ei utfordring for samfunnet, heller enn eit sjukdomsproblem for dei einskilde. I første fase er det viktig å dempa smittespreiinga gjennom god hygiene (sjå råd på www.pandemi.no) slik at epidemitoppen vert lågast råd.

Utover sommaren må vi rekna med spreidde einskildtilfelle av influensa H1N1 og det vert vernetiltak kring desse. Utover hausten og vinteren vert det spådd auka utbreiing.

Ein pandemi kan føra til betydlege samfunnsmessige konsekvensar med omfattande auke i fråver av arbeidskraft. Alle verksemder med kritisk samfunnsfunksjon bør planleggja for å halda oppe leveransane nærmast utan omsyn til kva vanskar som kjem og arbeida aktivt for å førebyggja driftsavbrot.

Sentrale styresmakter ventar at kommunen har gått gjennom beredskapsplanverket sitt med tanke på at det og skal innehalda ein beredskap mot pandemi:

• alle sektorar i kommunen, ikkje berre helsetenesta
• skal ha planar for sikring av den viktigaste drifta ved arbeidsfråver på inntil 40 %
• planverk og beredskap innan helsesektoren skal vera oppdatert i samsvar med føringar i mellombels rettleiar

I samband med samfunnsmessige konsekvensar av ein pandemi må einingane no arbeida med:

• kva direkte og indirekte konsekvensar eit arbeidsfråver på 40% vil innebera for eininga
• plan for å løysa desse utfordringane
• kva kjerneutfordringar som må løysast utan omsyn til situasjonen (kritiske funksjonar)
• oversyn over oppgåver som kan nedprioriterast for ein periode om naudsynt
• oversyn over kven som kan driva kjerneoppgåver (kritiske funksjonar) utover den faste bemanninga (inkl. personell utanfor eiga eining)
• nye oppgåver som ein pandemi vil føra med seg for eininga
• konsekvensar for ferieavvikling
• kritiske kundar/brukarar og planar for oppfølging av desse
• andre kritiske ressursar, t.d. naudsynte varer og tenester for å halda oppe drifta og evt. gjera naudsynte tiltak for å sikra levering under ein pandemi
• førebu tiltak for å redusera smittespreiing (hygiene, melding ved sjukdom/omsorgsoppgåve m.m.)

Ytterlegare informasjon kan finnast i rettleiaren ”Kontinuitetsplanlegging – pandemisk influensa” (DSB, Helsedir.) på www.pandemi.no.

Planleggingsføresetnader:

• pandemien vil kunna vara i 15 veker
• nå ein topp i veke 6 og 7 då ein må kunna handsama eit personellfråver på 40%
• personellfråver på 40% må kunna handsamast i 5 veker
• pandemien råkar ulikt, større verksemder nærast gjennomsnittet, små kan gå fri eller råkast fullt og det vil vera geografiske skilnader
• sjuke må rekna med fråver på minst 10 arbeidsdagar
• behandling vil ikkje redusera det samla fråveret vesentleg
• pandemien kjem i fleire bølgjer, andre bølgje 3-9 mnd. etter først

Det er viktig å merka seg at dette er planleggingsføresetnader ut frå korleis stoda vert tolka i dag. Det er ikkje fakta om korleis epidemien vil vera hjå oss. Viruset kan endra seg og erfaringar med utbreiinga kan gje nye føresetnader

I Noreg er det mange verksemder som er aktørar for å halda oppe helse og tryggleik.

I første omgang (sommaren -09) vil sentrale styresmakter retta seg mot alle departement og deira etatar, alle fylkesmenn og alle kommunar. I neste omgang kan det vera aktuelt å vurdera kva private verksemder som er relevante aktørar.

Vi ber om tilbakemelding frå einingane til smittevernlegen om korleis de vil møta ein situasjon med høgt personellfråver innan 20.8.09.

Til slutt nyttar vi høvet til å gjera merksam på gode vanar som førebyggjer smitte og vil oppmoda om å ta ut informasjonsbrosjyren ”Vanar som førebyggjer influensa” frå www.pandemi.no og fordela den mellom personalet i eininga.

Med helsing

Knut J. Gram                                                 Lars Helge Sørheim

Kommunalsjef/beredskapsansvarleg             smittevernlege