Brev aug 2009:

Viser RHO sak 12/09 og OU sak 15/09 om kartlegging av miljøretta helsevern i skulane i Stord og rektormøtet der vi hadde oppe det same. Komiteane hadde ikkje merknader til framlegg om å bruka av vernerundane som del av tilsyn etter Forskrift om miljøretta helsevern i barnehagar og skolar. Eg har etter dette hatt kontakt HMT ansvarleg Tove Dypå Lunde og leiande helsesøster om det same og dei støttar ordninga.
RHO komiteen ville ha framlagd rapportar frå vernerundane innan utgangen av 2009 og bad om at vi sikra at Kulturskulen vart omfatta av rutinane.
Eg vil såleis be dykk passa på at representant for skulehelsetenesta vert med på vernerundane. Vidare må kopi av protokoll frå HMT rundane på skulane sendast Utviklingsgruppa v/skulekonsulent og kommunelege.
 
mvh
Lars Helge Sørheim

 

Rutinar for vernerundar

o        Kvar eining skal gå vernerunde minst 1 gong pr. år; første gong i 1. kvartal.

o        Dette er ikkje ein vedlikehaldsrunde, men ein runde som skal fokusera på ulike HMT-faktorar, og me kan også velga å gå fleire vernerundar kvart år og då med ulikt fokus;

Organisatoriske forhold

o        Skular og barnehagar skal i tillegg ha internkontroll i forhold til  forskrifta om Miljøretta helsevern i skular og barnehagar, og skal då invitera ein representant frå Utviklings-gruppa og ein frå førebyggande helsetenester.

o        Det er utarbeidd eige skjema til dette bruk, som ein kan fylla inn elektronisk og senda kopiar slik anvist.

o        Saker som kjem fram på ein slik runde, skal leggjast inn i eininga sin handlingsplan for vidare HMT-arbeid og økonomiske prioriteringar må gjerast.  Det må skiljast mellom strakstiltak og tiltak som må leggast inn i neste årsbudsjett / økonomiplan.

o        Representant frå eining for utbygging og eigedom (UBE) skal vera invitert der verne-runden skal ha fokus på bygning og vedlikehald.