Her finn du alltid det siste møtet i FAU>>
FAU-sida>>

Innkalling til FAU-møte 24.11.10 kl 18.00

Saker:

1.       Trafikksituasjonen rundt Sagvåg skule - framdrift og tiltak.

2.       Ymse

Mvh

Anne Britt

Referatet 29/9-10 i pdf-format

Møte i FAU onsdag 29. sept. 2010 kl 1800

Til stades:

Helene Risnes (1. kl), Beate Mettälä Føyen (2. kl), Egil Våge (3. kl), Svanhild Hermansen (4. kl), Anne Britt Melkevik Dahle (5. kl), Ingjerd Helle Lorensen (6. kl) og Solveig Hjøllo Sleen (7. kl). Rektor Lars Bakka var til stades under sak 1a.

S a k l i s t e:

1.   Trafikksituasjonen rundt Sagvåg skule

a.    Orientering ved rektor

b.   Drøfting i FAU/synfaring på skuleområdet

Dette var eit temamøte, der denne saka var den einaste på saklista.

a.    Orientering ved rektor

Presentasjon av skisse over skuleområdet og litt historikk i tilknytting til korleis dette var tenkt. Det meste er opparbeidd ute, men ein manglar enno amfiet – noko skulen har eit sterkt ønskje om å ta i bruk. Dei første elevane som begynte ved nye Sagvåg skule er no snart klare for ungdomsskulen utan nokon  gong å ha fått vore med å bruka amfiet, som på det næraste er opparbeidd, men manglar benkar.

I samband med den belastninga det er med nytte-/tungtrafikk inne på skuleområdet har skulen  konkret teke initativ til å flytta bossdunkane bort mot vegen. Ein unngår då trafikk i samband med bossavhenting. Det er likevel ein god del nyttetrafikk som kjem inn på området, i tillegg til mykje av-/og påstigning i samband med levering og henting av elevar.

b.   Drøfting i FAU/synfaring på skuleområdet

Foreldre ved Sagvåg skule signaliserer at det er stor tilfredshet knytt til det fysiske skulebygget og korleis dette fungerer. Trivsel blant elevar og lærarar er god, og ein nyt framleis ”hvetebrødsdagar” i det nye skulebygget.

Ein har likevel, nær 5 år etter formell opning av skulen, notert seg at ein del av det fysiske utemiljøet ikkje fungerer etter intensjonane, og at me har det meir trafikkfarleg inne på skuleområdet enn det som er forsvarleg.

FAU ønskjer å ha en gjennomgang og ei evaluering av dette med målsetjing om å gjera trafikksituasjonen ved skulen betre.

Det vert sett fokus på følgjande:

·         Kor og korleis bevegar elevane seg til/frå og på skuleområdet?

·         Kor finn me trafikkfarlege punkt?

·         Korleis kan me finna tryggare løysingar?

·         Kva er framleis ikkje ferdigstilt på skulen sitt uteareal?

Oppsummering av synfaringa:

Konflikt-/risikopunkt i tilknytting til skulen sitt uteområde:

1.    Ikkje skjerma gangareal for borna. Konflikt mellom køyretøy/barn

2.    Ikkje god tilrettelegging for av-/påstigning ved levering og henting av barn. Dårleg struktur på køyremønster. Ikkje tilrettelagt for rundkøyring, noko som medfører at mange ryggar her. Konflikt i høve til barn som kryssar plassen til/frå ballplass/skaterampe og ballbinge.

3.    Vegen er i prinsippet for smal til at to bilar kan passera.

4.    Det er bilferdsle inne på ballplassen. Dette var ikkje tiltenkt frå starten av, men er likevel blitt praktisert pga øvrig arealdisponering og behov for av-/påstigning for elevar.

5.    Ikkje konflikt- eller risikopunkt men amfiet framstår framleis som berre delvis tilrettelagt, og kan ikkje nyttast. Det er lite som står att for å gjort dette ferdig, noko som bør prioriterast for å få den bruken av skuleområdet som vart tiltenkt.

Konflikt-/risikopunkt i tilknytting til hovudveg

 

6.    Gang-/sykkelveg for elevar som kjem frå Sagvåg og Jensanes. Dette er ei god og trygg løysying.

7.    Utrygg kryssing av veg for dei elevane som kjem til skulen via opparbeidd sti.

8.    Det er ikkje tilrettelagt for av-/påstigning ved hovudveg for dei som kjem frå Sagvåg.  For dei som kjem frå Fitjar, kan ein stoppe i busslomme, men det er dårleg tilrettelagt å komma seg frå busskur og vidare til gang-/sykkelsti.

9.    Ikkje tilrettelagt for kryssing av veg for elevar som bur på motsatt side av vegen.

10. Grøntareal.

 

Mogelege løysingar:

1.           Opparbeiding av gangareal langs bråtet. Dette vil skapa ein trygg gangsone mellom skulebygget og ballplass/-binge.

2.           Påminning til foreldre om kva køyremønster ein ønskjer her.

3.           Ingen tiltak.

4.           Samme som pkt 2.

5.           Ferdigstilling av amfiet som ein del av skulen sitt uteareal, sjå illustrasjonsfoto:

 

6.           Dette er løyst på ein god måte.

7.           Undergangen er ei trygg løysing, men denne vert ikkje brukt fordi den vert ein omveg. Denne erfaringa meiner me tilseier at stien bør oppgraderast til ein ”lovleg” tilkomst til skulen. Stien bør grusast, og autovernet forlengast for å unngå kryssing av vegen her. Elevane blir då styrt bak leveggen med bossdunkane og vidare bak ballbingen, og slepp å kryssa vegen. (FAU ser at å nytta skuleområdet mot aust kan gje konflikt i høve til tilkomst til det planlagde bustadfeltet på Rukjen, men me ser for oss at total vegløysing utansett må betrast mot Rv 545 når dette vert realisert).  Illustrasjonsfoto:

 

 

8.           Vurdera bruk av fartsgrense, samt opparbeiding av fotgjengarovergang/meir fortau. Betra tilrettelegging for av-/påstigning ved Rv 545 hadde medført mindre trafikk inn på skuleområdet. Ei utbetring her er kan hende det som i størst grad hadde redusert biltrafikk inne på skuleområdet!

9.           Samme som pkt. 8. Husstandar som bur på motsatt side av vegen har ikkje tilfredsstillande tryggleik når det gjeld skuleveg.

10.         Vurdera om dette grøntarealet bak ballbingen kan omdisponerast med føremål å få til ei løysing med rundkøyring. Dette vil gjera av- og påstigning tryggare. Illustrasjonsfoto:

FAU understrekar at vår motivasjon for å setja denne saka på dagsorden har utgongspunkt i bekymring for borna våre sin tryggleik når dei er på skulen sitt område. Kva vurderingar ein bør gjera, og korleis konkrete problemstillingar skal løysast er ikkje vårt fag. Me har likevel prøvd å spela inn forslag som me trur kan vera relevante med tanke på å få til betre løysingar for Sagvåg skule sitt tilkomst- og uteareal.

Me ønskjer ei formell evaluering av området og ei kartlegging av trafikale risikofaktorar. Sagvåg skule er ein arena for barn, og utearealet må fungera i høve til dette.  

 

Anne Britt M. Dahle

Leiar FAU

Sagvåg skule 22.september 2010

Innkalling til FAU-møte Sagvåg skule

Det vert temamøte i FAU på Sagvåg skule onsdag 29.september kl 18.00-19.30

NB! Meld frå til vara (nr 2) om du ikkje kan møta!

For leiar i FAU  Anne Britt Melkevik Dahle

Lars Bakka

FAU m/vara 2010/11

Det er blitt ein forandring i klassekontaktar for 5.klasse. Nr 1. Anne Britt Melkevik Dahle og nr 2. John Helland, desse to har altså skifta plass. Vidare kommer fordeling i fau:

• Fau-leiar: Anne Britt Dahle

• Nestleiar fau: Svanhild Hermansen

• Kasserer: Egil Våge

• Skriver: Jenny R. Nytrøen

• Kfu-representant: Eunike Risnes

• Vara kfu: Solveig Hjøllo Sleen

• Smu-representant: John Helland

• Representant 17.mai-komitè: Ingjerd Lorentsen

Tilstade: 1.klasse= Eunike Risnes, 2.klasse=Solfrid Vesterheim, 3.klasse=Egil Våge, 4.klasse=Svanhild Hermansen, 5.klasse=John Helland, 6.klasse=Solveig H.Sleen, 7.klasse=Solveig H.Sleen og avtroppande fau-leiar Snefrid Vikanes.

Fau

• Rektor/skulen har i samarbeid med fau fullmakt, til å disponere overskot av sal på 17.mai, til leikeutstyr og nødvendig inventar til skulen.
• Ved anna leige av skulen, vert inntekta gjort om til nødvendig investering til beste for elevane.
• Ta kontakt med oss om det er nokon saker du er opptatt av. Me veit ikkje om alt som rører seg i blant føresette.
• Skulen har ei god og oversiktlig heimeside om det er noko du lurer på.
• Om det ikkje kommer opp tidsaktuelle saker fau må ta stilling til, har me to møter i året, eit på hausten og eit på våren.

Snefrid Vikanes

TIL FORELDREKONTAKTHEFTET:

Under kommer referat frå fau-møte mandag 30.8.09, der me og har tatt opp saker me ynskjer med i heftet, til alle føresette.

17.mai

• Alle 8 klassekontaktene i 6. og 7. klasse vert ein del av hovudkomiteen som delegerer ut oppgåver rundt 17.mai.
•  Ein representant frå fau har ansvar for å kalle inn til oppstartsmøte i februar. Det blir enten klassekontakt frå 6. eller 7. klasse.
• 6.klasse har ansvar for leikekomité
• 7.klasse har ansvar for kioskkomité
• Første og andre klassekontakt frå 1.-7.klasse, skal følgje klassen de er klassekontakt for, i 17.mai toget.
• Tredje klassekontakt frå 1.-4.klasse, skal være dommar av 17.mai toget (info i 17.mai perm om dette).
• Fjerde klassekontakt frå 1.-4.klasse, har ansvar ved eventuelt parkeringsbehov (evt info frå Sagvåg forum).

Sommarfest

• Foreldre i 5.klasse har ansvar for å lage i stand før og rydde etter festen i lag med sosiallærar ved Sagvåg skule.
• Foreldre i 5.klasse skal ta med vaffelrøre 28 stk x 1,5 l røre eller 14 stk x 3 l røre.
• Fotballkamp under sommarfest vert spela av elevrådet og fau ved Sagvåg skule. Skulen har t-skjorte som vert utlånt til denne kampen.

Klassekontakt

• Som 1.klassekontakt for din klasse er du automatisk med i fau.
• Ein klassekontakt kan være med å hjelpe til om det oppstår ei konflikt i klassen etter føremålsteneleg vurdering.
• Det følgjer ein svart perm med info til foreldrekontakten til kvar klasse.
• Bladet ”Hjem og skole” blir levert ut til føresette i klassen til gjennomlesing.
• Som 2.klassekontakt for din klasse, har du ansvar for å ordne ei lita gåve til kontaktlærar(ar) ved passande anledning.
• Sosiale aktivitetar på fritida for klassane, er ikkje klassekontakt sitt ansvar, men den som ynskjer å laga til eit opplegg for klassen.
• Elevar kan låne amfiet-, gymsal- og kjøkken gratis til sin egen bursdagsfeiring.
• Delegering av oppgåver er viktig!

 Lenkjer frå rektor:

Foreldrekontakt'

• http://www.foreldrepraten.no/cgi-bin/fug/imaker?id=405
• http://www.fjell.no/skule/brattholmen/ABC%20for%20klassekontakter.doc

5.st
sa06

1. Anne Britt Melkevik Dahle, representant i FAU og Skulemiljøutvalet
2. John Helland, vara for nr 1 i FAU og Skulemiljøutvalet
3. Helene A. Risnes, vara for nr 2 i FAU og Skulemiljøutvalet
4. Diana H. Bergeland, vara for nr 3 i FAU og Skulemiljøutvalet

7.st
sag04

§ 11-4. Foreldreråd ved grunnskolar

       På kvar grunnskole skal det vere eit foreldreråd der alle foreldre som har barn i skolen, er medlemmer.

       Foreldrerådet skal fremje fellesinteressene til foreldra og medverke til at elevar og foreldre tek aktivt del i arbeidet for å skape godt skolemiljø. Foreldrerådet skal arbeide for å skape godt samhald mellom heimen og skolen, leggje til rette for trivsel og positiv utvikling hjå elevane og skape kontakt mellom skolen og lokalsamfunnet.

       Foreldrerådet vel eit arbeidsutval. Arbeidsutvalet vel to representantar med personlege vararepresentantar til samarbeidsutvalet. Leiaren for arbeidsutvalet skal vere den eine av representantane.

§ 11-9. Foreldreutvalet for grunnskolen

       Kongen i statsråd nemner opp Foreldreutvalet for grunnskolen. Utvalet skal ha leiar, nestleiar og fem andre medlemmer. Funksjonstida er fire år. Departementet gir nærmare forskrifter om arbeidet i foreldreutvalet.