• Det nyaste møtet i elevrådet
• Læreplan for elevrådsarbeid
• Historisk tilbakeblikk på elevrådet

Dette året vert  elevrådsmøta tysdagar kl. 10.00 på Bleikjo.

Her er datoane:
    13/9 17/10 14/11 5/12 16/1 13/2 12/3 16/4 14/5 11/6

Referat frå elevråd 11.juni 2012

Saker frå 3. klasse:

1.       Me ynskjer oss skoskei i 2. og 3. klasse sin garderobe. Kan me få det?

Elevrådet: Er kjekt å ha, men Lars må svara på det. Har hatt det tidlegare.
Svar frå rektor: Me kan ordna med to skoskeier i kvar garderobe. 

2.       Kan me få ein bane til sykkelbilane?

 Elevrådet: Må ikkje gå ut over plassen til dei som leikar. Kan henda ein kan laga ei merka bane på steinane?
Svar frå rektor: Me har vurdert det før, men ti no har me ikkje gjort noko med det. Det beste hadde kanskje vore eit bilområde?  Trivselsleiarane har no fått to boksar med kritt. Kanskje kan de teikne vegar og så korleis det fungerer!

3.       Me ser framleis at mange kastar tyggis ute. Kan alle vera greie å bruka bossbøttene?

Elevrådet:Enig!
Svar frå rektor: Ja, grunnen til at de fekk ha tyggis på skulen var at ingen skulle kasta dei ute. Kanskje me skal prøva med eit lita bosskorg  ved garderobane. (Slike som 17.maikommiteen har.) Desse sett SFO inn når dagen er slutt.

4.       Me likar å bygga med lego, og synst det er kjekt at me får bruka Lego League-legoen.
Finst det oppskrifter som me kan bygga etter?

Elevrådet: Rektor kan nok svara på det.
Svar frå rektor: Ja, eg har nokre kjekke oppskrifter til First Lego League ting. Kom innom kontoret om de vil låna :-)

Saker frå 4. klasse:

4. klasse har ei sak/oppmoding til alle klassane på småskulesteget.

Vi ber om at elevar trekkjer ned når dei har vore på do. Alle må passa på at alt er i orden når dei går ut frå do, det er ofte ekkelt der.

Elevrådet: Er heilt samde med 4. klasse.
Svar frå rektor: YES, trekk ned!!

Saker frå 6. klasse

1.     Me ynskjer briller/masker til badinga.

Elevrådet meiner det hadde vore kjekt  å ha.
Svar frå rektor: Det er berre å kjøpe!! De må ha med badedrakt/badebukse, handklede, symjebriller. Dette er personleg utstyr som kvar elev må ta med seg. Det at elevane av og til får låna symjebriller er berre fordi me er så greie ;-)
De får også ha med dykkemaske. Den får de berre bruke når det er fribading.

2.     Me skjøner at me ikkje kan få leksehjelp, men kan me få lov til å sitje att på skulen å gjere lekser utan at det er vaksne der?

Elevrådet meiner at dersom nokon elevar har ansvar så kan det fungera. Det har vore slik tidlegare.
Svar frå rektor: For meg er det greitt, men det må avtalast med lærarane på team 5-7

3.     Det er mange som går utanfor skulen sitt område i friminutta.

Elevrådet: Det er mest ved klatreveggen og ved leikestativa ved stien det skjer. Kanskje ein kan repetera reglane og markera grensene der?

Svar frå rektor: Her er kartet som viser kva som er skuleområdet. Det vert ikkje merking, men kanskje nytt vekeoppdrag om dette til hausten.

4 Er det lov til å ta med iste på skulen?

Elevrådet: Lars må svara på det.
Svar frå rektor: Det finnes mange typar iste. Nokre er sikkert heilt fulle av sukker. Difor vert det vaskeleg å seie ja til iste då det alltid vil bli diskusjon om kva type iste som er greitt for tennene. Kanskje kan me tilby Tine sin iste utan sukker i kantina?

5 Mange av høyretelefonane er vekke. Det er ikkje lett å finne sitt eige nummer.

Elevrådet: Meiner det bør kjøpast inn klassesett til småskulen og mellomsteget.
Svar frå rektor: Ja, me skal kjøpa inn slim at det er 30 i storskulen og 30 i småskulen. Det er på plass til hausten.

Referat frå elevråd 14.mai 2012

1.klasse (sag10)

1.klasse meiner:
Det er mange som kjører for fort med trøbilane og dei krasjar med kvarandre. Nokon kjører på matta med pyramiden og.

Elevrådet meiner:
Alle skal følg reglane. Dei som ikkje gjer det, bør få ei veke der dei ikkje får bruka trøbilane .

Rektor meiner:
Desse trøbilreglane skal vera festa på seteryggen på kvar bil. Dersom desse er forsvunne så er de flott om de i 1.klasse kjem innom så skal me laga nye lappar. Treng me nye reglar så er det flott om de drøftar dette i elevrådet:

2.klasse (sag09)

3.klasse (sag08)

4.klasse (sag07)

5.klasse (sag06)

6.klasse (sag05)

6. klasse meiner:
Elevrådet meiner at det hadde vore kjekt med leksehjelp/ leksetid.

Rektor meiner:
Ja, slik det er no så er det elevane i 1. til 4.klasse som har leksehjelp, det har Stortinget bestemt. Eg meiner også at dette burde vore eit tilbod som alle i 5. til 7.klasse også skulle fått! Men så lenge det ikkje er noko elevane i 5. til 7.klasse har rett til leksehjelp så kan me diverre ikkje tilby dette til elevane på mellomsteget.
Grunnen er at det villa ha kosta ein del pengar dersom eg skulle tilsett lærarar eller assistentar til å vera leksehjelparar. Dette har me diverre ikkje råd til Det er heller ingen andre barneskular i Stord som har leksehjelp til elevane på mellomsteget.

7.klasse (sag04) (ingen saker)

Ingen saker

Referat frå elevråd 17.april 2012

Elevråd 12.03.12

Andre saker

1. Grand Prix. Påmeldingsfrist og kategoriar.  Frist ut denne veka.

2. Trafikksikring (v/ rektor) som siste sak.

 Spørsmål til elevane som tek buss, eller kjem den vegen. Kan de bruka gangvegen og tunnelen , slik at alle går  på ein trygg veg?  Ein bør heller ikkje gå over vegen ved ballbingen.

Sjå filmen: Bilete frå filmen fredag 10.februar kl 08.00-08.30
 

Legg merke til kva som skjer når bussen kjem!
  Pc-versjon 10/2  iPad-versjon10/2

Elevane seier det luktar røyk   i tunnelen på grunn av røyksneipar. Det er ikkje kjekt å gå der.

Kommentar frå rektor: Dersom det er ekle seipar i tunnelen så skal me sjå til at det vert rydda opp! Håper at det ikkje er dette som stoppar elevane frå å gå tunnelen! Når elevane har sete heilt i ro på bussen så kan ein vel gå via tunnelen. Det same gjeld når ein går frå skulen! Då vert det mykje tryggare skuleveg ved ballbingen!!

Elevråd 13.02.12

1.klasse (sag10)

1 klasse gjekk gjennom referat frå førre møte.
Dei ynskjer lange og korte hoppetau, slik at ein kan hoppa tau ute i pausane.

Svar frå elevrådet: Elevrådet meiner at det fins ein del korte hoppetau, men dei har antakeleg trivselsleiarane. Det bør kjøpast inn nye dersom det manglar. Det hadde vore kjekt med tre lange hoppetau til kvar klasse.

 Svar frå rektor: Me skal kjøpa enn ein del tau som me skal laga mange hoppetau og slengtau av. Me treng også fleire i gymmen. Eg skal ordna med det. Det er viktig at taua berre berre vert brukt til hoppetau og ikkje til å knyta ting fast! Taua til utebruk kjem når det er litt meir vår, ein gong før påske :-)

2.klasse (sag09)

1. Las og kommenterte referatet frå sist møte.
2. Elevane var opptekne av at det er vanskeleg å høyra når ein vaksen skal lesa høgt mens me et. Er det noko me kan gjera med det?

Svar frå elevrådet: Elevrådet meiner at me må ta omsyn til kvarandre. Dei som brukar høg stemme må dempa seg.

3.klasse (sag08)
(Ingen saker)

4.klasse (sag07)
Klassemøte i 4.klasse.

1. Me las referat frå elevråd.
2. Ny sak til elevråd: Me ynskjer at vegen opp til skulen vert salta eller strødd. Det er så glatt å gå.

Svar frå elevrådet: Elevrådet meiner at saker som går på vedlikehald og liknande må gå til den/ dei rette. Det er ikkje elevrådet, men Lars som skal ha melding. Då kan til dømes vaktmeistarane eller andre ordna opp med ein gong.

Svar frå rektor: Flott om eg får rask melding når det er glatt, så skal eg ordna med at det vert strødd.

5.klasse (sag06)
Klasseråd 5.klasse
1. Las referat frå møte i elevrådet.
2. Det manglar lys ved svingen ved parkeringsplassen, er mørkt det når me kjem gåande om morgonen.

Svar frå elevrådet:Dette er og ei vedlikehaldssak.

 Svar frå rektor: Den siste lampen kan me diverre ikkje ha lys i. Det er denne som har gjort at alle lampane ute vart mørke. Før elektrikarane finn denne jordingsfeilen så er det nok best at den er mørk.

6.klasse (sag05)

1. Referatet frå førre møte.
2. Nye saker:
Kan me få fleire rumpebrett?

Svar frå elevrådet:Elevrådet meiner at det hadde vore kjekt med fleire akebrett. Det er viktig at alle følgjer reglane og ikkje stopper opp i bakken. Det to plassar det er lov å aka.

Svar frå rektor: Det er sikkert ingen andre skular som har så mange rumpeakebrett som Sagvåg skule! De som er elevar på Sagvåg skule har sikkert også rumpeakebrett heime. De kan vel vera flinke å ta dei med når det er snø. Eg finn også litt for ofte rumpeakebrett som ligg og sleng ute når dagen er slutt. De må vere greie å rydda dei inn igjen etter bruk.

Alle må vere i eige klasserom om morgonen.

Svar frå elevrådet: Elevrådet er heilt einig med 6.klasse.

7.klasse (sag04)  

(Ingen saker)

Elevråd 16.1.12 Referat.

1.klasse (sag10)   2.klasse (sag09)

1. Las og kommenterte referatet frå sist møte.
2. Det er ofte ekkelt på do til 2.og 3.klasse. Kva kan me gjera med det?

 Alle må halda det fint. Ingen må grisa det til.

3.klasse (sag08)

4.klasse (sag07)

4. klasse har hatt klasseråd, og elevane kom med eitt forslag til elevrådsmøtet.

Klassen har ønskje om ein trampett til innebruk i kroppsøving. Det er plass til ein elev om gongen på denne, og ein hoppar/dett ned på tjukkassen.

Elevrådet meiner det hadde vore kjekt med trampett. Det må vera vaksne med under bruk.

Svar frå rektor: Det er strenge reglar for bruk av trampett i skulen. Lærarane som skal vera instruktørar skal m.a. ha eige kurs. Det har vore rettsakar der skular har blitt dømt for å vera uakstomme i samband med at elevar er blitt skadd på trampett:
Rt-1997-1081 
Skoleelev pådro seg ryggskade etter mislykket salto med sats fra trampett under kroppsøving i videregående skole. Høyesterett vurderte faremomentene ved bruk av trampett, og kom til at gymnastikklæreren hadde opptrådt uaktsomt. Fylkeskommunen ble erstatningsansvarlig.

Det vert nok ikkje trampett på Sagvåg skule før ein lærar har teke kurset.

  5.klasse (sag06) 6.klasse

Kan me få nye sjongleringsballar?

Dei somme hadde  er øydelagt, ein del tulla med ballane. Fint om me kan få nye.

 Svar frå rektor: Ja, eg skal snakka med aktivitetsleiarane om det!

Mange hiver frukt ute. Det er most banan på vindauget til gym.salen.

Elevrådet meiner at dei som gjer det må slutta med det.

Kan me få ny brentballkølle? Den er øydelagt. Me har sett elevar bruke brentballkølla til å leikeslost med.

Elevrådet meiner at dei som øydelegg utstyret ikkje bør få låna det. Fint om me kan få ny kølle.

 Svar frå rektor: Ja, eg skal snakka med aktivitetsleiarane om det!

Me inviterte Lars Bakka på klasseråd for å diskutere akvarie, pokal og ballbinge.

 Svar frå rektor: Eg har hatt møte med 6.klasse:
Ballbingen: Denne vert 'preparet' med ny sand til våren
Akvariet: 6.klasse tek med fisk og planter, varmekolbe og pumpe. Skulen har ei pumpe utan feste, sand og akvarium. Då fiksar 6.klasse resten ;-)
Vandrepokalen: Eg har tenkt litt på dette. Lurte på å ha vandrepokalen til Vekeoppdraga, men trur ikkje det er så lurt. Har 6.klasse fleire idear?

Akvarie: Me kan ha akvarie på kjøkenbenken på mellomst. 6. kl må ha ansvar for fiskane.

Akvariet er på plass og vil snart bli tatt i bruk.

7.klasse (sag04)

7.klasse har hatt klasseråd, og hadde disse nye sakene til elevrådet:

- Me ynskjer at me skal gå gjennom elevrådsreferatet felles i amfieet.

Elevrådet meiner det ikkje er så lurt. Det er ikkje alle som vil sei noko høgt de .Det vil og bli mykje lyd..

- Me ynskjer å vera i gymsalen istadenfor å gå på tur.
Svar frå rektor: Dette gjer det vel iblant no :-)

- Dersom me må gå på tur, ynskjer me å gå i løypa. Det var kjekt då me la lapp i postkassen.

Elevrådet: Dette er blitt ordna av dei som har ansvaret for turane.
Svar frå rektor: Opplegget med lappar har me prøvd før, det art for dtngvint, og postkassenvart øydelagt i helgene.

Desse sakene  må Lars svara på :

- Kan skulen opna kl. 8 om morgonen?
Svar frå rektor: SFo har ope frå kl 06:45. På mellomsteget tek skulen til kl 08.30. Likevel så har me vakt ute frå klokka 08:15. Dette har noko med arbeidstida til lærarane å gjera. Før kl 08.15 kjem me ikkje til å opne dørene for elevane då me då ikkje kan ta ansva om det skulle skje noko alvorleg når me vaksne ikkje er det. Alle på mellomstegte bør komma til skulen mellom kl 08:15 og 08:30 -Ikkje etter 08:30!! ;-)

- Me ynskjer å vera igjen på skulen etter skuletid for å gjera lekser.

 Svar frå rektor: Her gjeld det same som over. Før har mellomsteget hatt ei ordning der lærarane på mellomsteget har vore greie og sett etter at det har gått fint. Dette kan de ta opp med Kjell som også etr teamleiar for lærarane i 5.-7.klasse.

Elevrådet  vil nemna at skulen har kjøpt inn rumpeakebrett. Trivselsleiarane kan føra liste over dei som låner.

Elevråd 5.12.11

 Saker:

4. klasse

 1. Utelys

Det er mørkt på skuleplassen om morgonen. Me håpar at utelysa vert snart ordna. Dette gjeld også i ballbingen.

Elevrådet: Det er fiksa.

2. Diablo

Me ynskjer oss fleire diabloar.

Elevrådet: Det er populært og det hadde vore kjekt med 2-3 til. Det er eit problem at det blir knutar på taua. Fint om dei som brukar diabloane fiksar taua før dei leverer utstyret inn.
Svar frå rektor: Eg skal kjøpa nokre fleire diabloar (17.-maikomiteen har pengar igjen)

  5.klasse (sag06)

1.Las referat få forrige møte

2. Kan me få Donaldbøker på biblioteket?

Elevrådet: Doald Pocket hadde vore kjekt. Blada blir lett skada.
Svar frå rektor: Eg skal snakka med dei bibliotektilsette elevane om det! (Det beste var om me fann Donaldbøker med stive permar!)
 

3. Kan me få fleire Grøssarbøker på biblioteket?

Grøssarbøker for aldersgruppa 10-13 hadde vore kjekt å ha.
Svar frå rektor: Fint om de kjem med forslag til titlar. Me kjøper alltid inn når det kjem ynskje !! Då er det den som har ynskja som får boka først!

 6.klasse

 Saker:

1.Me syns at det hadde vore kjekt med eit akvarium i bibliotektet.  

Det hadde vore kjekt med akvarium, men då må nokon ha som jobb å ta seg av fiskane og gjera reint akvariet. Det bør stå på ei tralle, slik at det er lett å flytta.
Svar frå rektor: Me har akvarie på skulen, utan fisk... Dersom det er ein klasse som vil ha akvarie og fisk så er det greitt for meg. Men hugs at det må vedlikehaldast kva veke elles gror det til. Det bør også kjøpast pumpe, varmekolbe og utstyr for reinsking. Kom innom kontoret ein dag så kan me sjå kva me har.

2.Det er dammar i ballbingen. Den er ujamn.

Elevrådet meiner det bør fiksast av nokon som har utstyr til det.
Svar frå rektor: Det var eg ikkje klar over. Flott at de gjev beskjed. Det er nok tid for å ha på meir sand i ballbingen. Det er ikkje gjort sidan han var ny. Me må venta til våren ned det. (Eg har notert meg det no!)

3. Kan mellomsteget få lov til å ha fleire ulike aktivitetar enn tur i fysisk aktivitettida?

Hadde vore fint om ein kunne hatt ei ordning ein gong i veka, der nokon kunne spela fotball og brentball, eller hatt ein aktivitet inne.
Svar frå rektor: Dette skal eg ta opp med leiaren for assistentane, Liljan. Det kan kanskje gå....

4. Me har lyst til å ha turløype med pokal. Det var veldig kjekt.

Elevrådet meiner at det hadde vore kjekt å fått til eit slikt opplegg att. (Pokalen står hjå småskulen.)
Svar frå rektor: Så det hugsar det :-) Ja, kanskje kunne me hatt pokal kvar vekeoppdragsamling til den klassen som har vore flikast! Flott om eg vert invitert til 6.klasse så kan me ta ein prat om ballbingen, akvariet og pokalen!

Nytt frå elevrådet
Måndag 14.oktober 2011

Elevrådet hadde i dag oppe mange saker. Mellom anna klarepyramiden. Der er taua litt slakke, særleg det gule tauet.
Elles er det fleire klassar som har lyst til å driva med Parkour. Dei etterlyser apparat ute og inne.
Elevrådet er usikker på om det finst slikt å få kjøpt, kan henda er det nok av utfordringar rundt omkring?

Tekst & foto: Kjell Byrknes

---

Referat frå elevrådet 14.11. 11

 Klasseråd 2. klasse.

Det er nesten aldri såpe på gutedo. Manglar og på jentedo og i garderoben til dei tilsette..
Svar frå rektor: Eg skal ta det opp med reinhaldarane. Kanskje kan me ha ekstrasåpe i klasserommet slik at me fort kan skifte sjølve? Kanskje vaktmeistrane mine også kan sjekke dette!

Klasseråd 3. klasse

·        Kan det fyllast grus der det er mest gjørmete på skuleområdet?

Svar frå elevrådet: Det er området  oppe ved myra dei siktar til. Det er nokon som legg gjørme på vegen.
Svar frå rektor: Kan nokon frå elevrådet vera med og vise meg. Me har gjort ein del der oppe, men kanskje me bør gjere meir!?

4. klasse.: Me treng fleire høyreklokker til dataen, mange er øydelagde.
Svar frå rektor: Mellomsteget har 30 flotte øyreklokker. Dersom de på småskulen finn ein lur plass å henge desse så skal de få 15 stk. Dersom ein heil klasse skal ha så må storskule og småskule snakkast om å låna av kvarandre (Det er ikkje så ofte at alle 30 er i bruk)

Klasseråd 5.klasse

Nye saker:

·        Kan me få parkour løype ute.

 Svar frå elevrådet:Hadde vore kjekt, dersom det fins apparat for det.
Svar frå rektor:  I Parkour nyttar ein det som er naturleg i nærmiljøet. Det er ikkje eige utstyr for dette. Me kjem til å ha fleire timar i gymmen med Parkour-øvingar. Då nyttar me det ustyret som Gareth Whittaker brukte då han var her. Bruk fantasien :-)

·        Det er ofte  vatn, skit, pinnar og stein i tunnel sklia. Småskuleelevane brukar bøtter og fyller med vatn og stein.

Svar frå elevrådet:Elevrådet meiner dei må slutta med det.

 Svar frå rektor:  Det er farleg å stikka pinnar inn i rutsjebanen, det må ikkje skje!! Mine vaktmeistrar kan tøma varmt vatn og litt såpe in n i sklia slik at ho vert rein og fin!

Elevrådsaker frå 6. klasse: 

·        Få lengre tau på smashballane.

Svar frå elevrådet:Nokre tau er korte. Treng nye tau til dei.
Svar frå rektor:  Problemet med lange tau er at elevar då sit seg på ballen så øydelegg dei ballen eller tauet. Dersom 6.klasse viser meg kor lange tau dei vil ha så kan me prøva det igjen......
 

·        Festa smashballane slik at dei ikkje fell av.
Svar frå rektor:  Eg har misstanke om at ballen fell av når nokon prøver å sitta på han.....?!

·        Be elevane om at dei ikkje ber rundt på beleggingssteinane som vaktmeistrane held på å rydda.

Svar frå elevrådet:Det må alle hugsa.

·        Strama klatrepyramiden (manglar det skruar?)

Svar frå elevrådet: Bør fiksast snart. Det er særleg det gule tauet som er laust.
Svar frå rektor:  Til no har me fått hjelp ab Bygg & Eigedom til det ein gong i året. No skal me kjøpa oss to store skiftenøklar sjølve. Det vert fiksa i løpet av denne veka.

Elevrådssaker frå 7. klasse:

Me ynskjer å vera inne i gymsalen i midt-timen

· Kan me få «parkour»-ting i gymsalen eller ute? Sjå 5. klasse.

·Me veit at me ikkje kan sykla på rampen, men kan me sykla på «funboxen»?

Svar frå elevrådet:Elevrådet meiner at det ikkje er lurt å sykla på utstyret som er meint til skating. Kan vera farleg og.
Svar frå rektor:  Høyr på elevrådet! ;-)

· Kan me få laga trehytta i skogen?
Svar frå elevrådet:Hadde vore kjekt om det gjekk an, for det er mange som har lyst til det.
Svar frå rektor:  Ja.... dersom det er 7.klassingar som vil vera med på det så kan det kanskje verta noko av det! Kom innom til meg så kan me snakka om det!

·Det er mykje hundeskit på gangstien ned mot Skifteslono…

Svar frå elevrådet:Dette er noko hundeeigarane må gjera noko med..
Svar frå rektor:  Skal me laga eit fint 'ta med hundepose-skilt'?

Tidlegare sak:  Rektor og nokre frå elevråd såg på om det var råd å laga sykkelløype. Dei kom fram til at det ikkje let seg gjera.
Frå nettsida vår:

Sykkelløype på skulen?
Tysdag 25.oktober 2011

Tekst & foto: Lars Bakka

Til alle klassane frå rektor:
Kva kan vera kjekke vekeoppdrag i tida framover? Kom med forslag!

Referat frå Elevråd 17.10.11

-Val av nestleiar i elevrådet. Nora.

-Saker som det må arbeidast meir med etter førre møte:

-Leikedag.

Svar frå rektor frå sist møte:
Dersom elevrådet vil ha ein leikedag med teikning, lesing spel og liknande så hadde det vore flott om elevrådet jobba litt mei med det. Skal det vera blanda klassar? Skal elevane byte aktivitetar i løpet av dagen? Skal det vera heile eller halve dagen?...

 E: Elevrådet ser for seg at det blir delt over to  halve dagar. Kjekt om ein kan vera  saman med fadrane og. Uteaktivitetar og inneaktivitetar avhengig av veret. Bør vera mange og varierte aktivitetar.Trivselsleiarane kan vera med å bestemma- dela ut utstyr.

 Skal fjernstyrte leiker  vera lov?( Sjå 5. klasse) Bør ikkje vera lov. Leikane kan bli øydelagt og det er ikkje mange som kan halda på med det.

Sykkelløype.

Me ynskjer ei sykkeløype ute slik at me kan bruka syklane i skuletida.
Svar frå elevrådet:
Må vera trygt.
Svar frå rektor frå sist møte:
Elevrådet må arbeide meir med dette. Kor skal sykkelløypa vera. Skal ALLE som har syklar få sykle i friminutta? ....

 E: Kan ein laga ei løype ved handballbana? Det  må vera for dei i storskulen.
Nytt svar frå rektor:
Fint om elevrådet vert med meg på ei synfaring. Det er nok at elevrepresentantane frå 5-6-og 7.klasse er med.

Nye rytmeinstrument.
Svar frå elevrådet: Ulike typar til musikktimane.
Svar frå rektor frå sist møte:
Flott om elevrådet kjem med forslag til kva instrument de saknar.

E: Trianglar, trommer, kastanjettar,slike me snur på… . Kan henda Åshild kan hjelpa oss litt.
Nytt svar frå rektor: Flott, me får snakka med Åshild om dette

Nye saker frå klassane:

2. klasse:

1. Kva tid blir det laga plass til lavvoen i skogen + sti?

E: Det er laga sti over dei fleste våte områda.
Svar frå rektor: Når stien som Kjell er med på å laga så kan me laga lavvoen.

2. Er det lov å sykla på rampen i fritida ?

 E: Det må Lars svara på.
Svar frå rektor: NEI! Ingen får lov til å sykla på skaterampen. Det er hærverk!!

3. Det er ekkelt på jentedoen til 2. og 3.klasse.
   E: Det ligg papir og liknande. Dei som gjer det må slutta å rota.
   Svar frå rektor: Ja, det må jentene som brukar toalettet ta ansvar for! Hugs at reinhaldarane skal hald reint, ikkje rydde etter elevane!

4. Kan me få tak over inngangen til 2. og 3.klasse?
   E: Meiner det bør koma tak.   
   Svar frå rektor: Det vil nok ikkje bli tak over denne garderobedøra. Hugs at det er ein koseleg krok utanfor kontoret til SFO. Der kan de leika under tak :-)

4. klasse:

1.               Me ønskjer eit stativ med vanlege reiler.

 E: Vil gjerne ha det. Kan det stå ei reile  der den andre står?
Svar frå rektor: Sorry! Det er få skular som har så mykje fine leikeapparat ute som oss! Hugs også at det var Elevrådet som fekk bestemme at me skule har 'fuglereir-reile' og ikkje vanleg reile!

2.      Me synest det hadde vore greitt med eit gjerde mot bebyggelsen ved "Storløypa". Me kan visa staden.
Svar frå rektor: Kom innom og hent meg så kan de vise :-)

E: Mange skitnar seg til der. Hadde vore fint med gjerde. Det er farleg der.

3.      Me ønskjer rompeakebrett og vanlege akebrett når snøen kjem.

E: Hadde vore kjekt med ca. 20 rompeakebrett. Det er mange som gløymer å ta med seg.
Svar frå rektor: Ja, me kan kanskje ha nokre rumpeakkebrett til utlån. Kanskje kan trivslesleiarane ha utlån om vinteren?

5. klasse:

1. Ynskjer fleire 3-hjulingar.

 E:  Hadde vore kjekt med fleire. Det er berre 3 blå i bruk. Bør venta med å kjøpa inn, for snart er det vinter.
Svar frå rektor: Ja, eg har tenkt på det eg og. Ein av desse syklane er og øydelagt. (Har ikkje klart å skaffe nytt framhjul)

2. Er det lov å ta med fjernstyrte leiker på skulen?

Kanskje som ein del av leikedagen? E: ( Sjå tidlegare svar)

3. Smashball

Litt vanskeleg når me spelar smashball for då er det mange av elevane på småskulen som syklar rundt der. Dei køyrer også på matta ved klatrepyramiden.

E: Kan ein få sirkel rundt stativa slik at stativa kan stå der og dei som syklar må halda seg utanfor?
Svar frå rektor: Jo, det går det. Det dumme med det er at smashballane alltid må stå på same staden...

4. Forslag til instrumentinnkjøp.
   Småtrommer, kastanjettar,
   Svar frå rektor: Åshild ser på dette

6. klasse:

1.      Det står 7. klassingar og bankar på døra til kjøkenet når kantinegjengen ryddar opp etter kantina. Det må dei slutte med.
E: Ja, slutt med det.

2.      Kan me ha dyredag på skulen? 
E: Kvar klasse bør diskutera det. Nokre er allergiske mot dyr.

 7. klasse.

1.      Vil gjerne ha grus der stien nordover går frå vegen til  fortauet.

 Svar frå rektor: Dette er noko det vert jobba med. (Reknar med at de meiner gangstien frå busshaldeplassen til skulen). Eigentleg er det slik at ein skal gå undergangen og opp igjen, men det er det ingen som gjer.
FAU er også opptekne av trafikk og gangstien. Les meir i referat frå FAU frå i fjor: http://skole.stord.kommune.no/sagvaag/fau_10_11.htm

E: Bør vera grus der. Det er der me går.

2.      Kan me få luftrensar på do?

E: Nokon kan øydelegga det og nokon likar ikkje lukta av rensaren.
Svar frå rektor: Det er god ventilasjon på alle toaletta. Det mør vera nok.

3.      Kan nokon kosta vekk furunålene i ballbingen?

E: Det kan vaktmesterane ta seg av.
Svar frå rektor: Ja, det skal me ordna!!

4.      Kan me få puter til stolane våre?
E: Hadde vore kjekt. Bør vera festa til stolen.
Svar frå rektor: Det kunne kanskje vore ein nyttig og kjekk oppgåve i Kunst og handverken! Då kan du få designe di eiga personlege pute :-)

Elevrådsmøte 13.9.11 Referat.

Elevrådet hadde først val av leiar.

Ny leiar er Audun i 7. klasse.

Saker til elevråd frå 4. klasse:

1. Me ønskjer eit "Twister"-spel.
Svar frå elevrådet:Hadde vore kjekt med fleire spel. 
Svar frå rektor: Ja, det kan me. Eg skal snakka med Kjell

2. Trivselsleiarane må starta opp så snart som mogeleg.
Svar frå elevrådet:Er alt i gong.
Svar frå rektor: Det kjem også meir utstyr snart

3. Me ønskjer hoppestokkar (slike som rektor lånte til oss då me gjekk i 3. klasse) 
Svar frå rektor: Ja, eg har tre hoppestokkar heime som ungane mine ikkje bruker. Dei kan de i 4.klasse få av meg :-)

Saker til elevrådet frå 6. klasse:

Måla på handballbanen er øydelagde. Det hadde vore kjekt med mål der.
Svar frå elevrådet:Sjå 7. klasse
Svar frå rektor: Eg har meldt ifrå til vaktmeitarane i kommunen om at desse må fraktast til SIM. Det vert kjøpt nye til våren.

SAKER FRÅ 7.KLASSE:

- Me har lyst til å vera inne i gymsalen i midt-timen.
Svar frå elevrådet:Kan me dela gymsalen to og to klassar.?

- Me ynskjer nye fotballmål til handballbanen.
Svar frå elevrådet:Elevrådet meiner det bør vera to handballmål.

- Me har lyst til at storskulen skal få eta ilag nokre dagar i veka.
Svar frå rektor: Det høyrest kjekt ut! De har jo eit stort og fint fellesarealet. Nokre elevar kan gå til dei andre klasseromma, og andre kan eta i fellesarealet! GOD IDE!!

- Kan skulen kjøpa inn fleire og betre "Diabloar"?
Svar frå rektor: Ja. Eg har fått ei litse frå Trivselsleiarane med utstyr me må kjøpe nytt

- Kan me få sykla på tur istadenfor å gå?
Svar frå rektor: Nei, fysisk aktivitet er det viktigaste. Det er god trim med ein spasertur. Skal ein sykle kjem ein mykje lenger og det vert vanskelegare å få til ei trygg ordning. SORRY!

Klasseråd 5. klasse

9. september 2011

1. Sykkelløype. Me ynskjer ei sykkeløype ute slik at me kan bruka syklane i skuletida.
   Svar frå elevrådet:Må vera trygt.
   Svar frå rektor: Elevrådet må arbeide meir med dette. Kor skal sykkelløypa vera. Skal ALLE som har sykle få sykle i friminutta? ....
2. Fleire diabloar (Hallvard informerte om at trivselsleiarane skal sjå over utstyret)
   Svar frå rektor: Takk Hallvard :-)
3. Plater til sykling. (Hopp og liknande.)
   Svar frå elevrådet:Elevrådet meiner handballbanen bør vera til det formålet. ( Det som er att)
   Svar frå rektor: Det kjem 2 stk nye mål til våren. Elevrådet kan vera med på å bestemma kor dei skal stå
4. Teater – ynskje om å starta ei gruppe.
5. Nye rytmeinstrument.
   Svar frå elevrådet:Ulike typar til musikktimane.
   Svar frå rektor: Flott om elevrådet kjem med forslag til kva instrument de saknar.
6. Ein leikedag på skulen (Teikna, lesa, leika….)
   Svar frå elevrådet:Elevrådet meiner det hadde vore kjekt med fleire ulike aktivitetar. Er kan hende nok med ein halv dag.
   Svar frå rektor: Dersom elevrådet vil ha ein leikedag med teikning, lesing spel og liknande så hadde det vore flott om elevrådet jobba litt mei med det. Skal det vera blanda klassar? Skal elevane byte aktivitetar i løpet av dagen? Skal det vera heile eller halve dagen?...