|
|
| Juni 2020 |
 Tusen takk for samarbeidet til alle elevar, foreldre og tilsette ved Sagvåg skule skuleåret 2019/20. Det vart ein spesiell vår med Koronatid og skulestenging, men med godt samarbeid med heimen har elevane fått eit undervisningstilbod gjennom heile våren heime og på skulen. Til hausten tek me til slik me avslutta denne våren, med god hygiene og Koronatiltak på "gult" nivå. Første skuledag for elevane er måndag 17.august. Lars Bakka, rektor  Siste skuledag 2019/20 Fredag 19.juni 2020 Det vart ikkje storsamling som avslutning den siste skuledagen dette året. Alternativet var ei lita samling i kvar klasse. Her er det 2.klasse som tek imot rektor ute i sommarsola. Tekst: Lars Bakka Foto: Anne Elisabeth Trevland  På kanotur Onsdag 16.juni 2020 I dag har 4. og 5. klasse hatt ein flott dag ved Storavatnet. Me har hatt det kjekt med kanopadling, grilling og stikkball - fleire prøvde kano for første gong. Det gjekk kjempeflott!
 Til Dyvikesåta Tysdag 16.juni 2020 Tysdag hadde klassane ein fin tur til Dyvikesåta. Fantastisk vér og strålande utsikt frå toppen. Litt "mygg" var det, elles var det ein kjekk tur. Idag, onsdag, var klassane på kanopadling ved Storavaytnet. Dagen starta med at ei skummel skodde såg ut til å øydelegga dagen, men det skin opp før klassane var framme ved vatnet. Ein ny fantastisk dag. Alle fekk seg minst ein kanotur. Det var topp innsats, og etter kvart byrja dei å få taket på padlinga. På land var det grilling, stikkball, vassing og andre aktivitatar. Elevane var svært nøgde med dagen. I morgon blir det tur til Sætravikjo. Me legg ut bilder etter kvart.
 Tusen takk for samarbeidet! Tysdag 16.juni 2020
Det er alltid endringar frå det eine
skuleåret til det neste. Spesielt
dette året er at Elin Bunes Macsik
går av med pensjon. Elin tok til i
1.klasse ved Sagvåg skule i 1962 og
går no av som pensjonist frå skulen
vår nesten 58 år etter. Elin har
vore reinhaldar, og no dei siste åra
assistent i SFO og skule. Takk for
mange fine år og gode minne! Også teiknspråklærar Isabell Østby Epland skiftar beite etter fire år hos oss, det same gjer lærar Jens Lønning. Me har også teke farvel med lærlingen vår Valita Øksnes og supervikar Janita Steensohn.
 Matematikktentamen i 7. klasse Tysdag 16.juni 2020
Etter ei veke på leirskulen, skal elevane vise kva dei har lært på barneskulen. Dei jobbar godt. Klassen er klar for å avslutte dagen på Nysæter ungdomsskule, kor dei skal få møte sine nye kontaklærarar.
 Avslutning for 7.klasse Måndag 15.juni 2020 Foreldra inviterte til ei stemningsfull og sommarleg avslutning for 7.klasse på Føyno måndag ettermiddag. Tekst & foto: Lars Bakka  Bilete frå leirskuleopphaldet Torsdag 11.juni 2020
Her er bilete frå Gullingen
leirskule torsdag 11.juni  Tekst & foto: Åshild Giving  Knerten Torsdag 11.juni 2020
I dag var me ute og lufta Knertane
våre. Dei fekk seg hus og fekk leika
seg. Me koste oss også med
lappekaker. Det smakte veldig godt i
sola. Tekst & foto: Anne Elisabeth Trevland  Leirskule dag 3 Onsdag 11.juni 2020 Elevane har hatt ein flott dag i skogen med bål og fjellklatring. Det var veldig godt med grilla ostesmørbrød og maur som snacks. Dei teikna med kullstiftar laga av bjørkepinnar.
Tekst & foto: Åshild Giving  Uteskule og leik Onsdag 10.juni 2020 Første klasse har hatt ein fin dag ute i dag. Dei jobba i grupper og hadde ein rebus med matematikk og norsk oppgåver. Etterpå var det leik og laging av armbånd for dei som hadde lyst. Tekst & foto: Gro Akselsen Halvorsen
2. klasse på skattejakt
2. klasse var på skattejakt i gym.timen i dag. Elevane hadde ein skattepose som dei samla skattar i. Det var alt i frå fuglefjør til stein som ikkje var grå.
Tekst & foto: Anne Elisabeth Trevland
Nymåla paradis!
Alle elevane i 5.klasse var med på å friska opp paradisa på skuleplassen i dag! Flott jobb, og tusen takk for hjelpa til alle :-)
Tekst & foto: Lars Bakka
Dag 2 på leisrskule
Me har hatt ein fantastisk dag på kanotur. Me grilla aure og ostesmørbrød. Elevane var svært flinke til å reinske fisken !
Tekst & foto: Åshild Giving
|
| Mai 2020 |
|
Første klasse på insektjakt
Første klasse har hatt turdag og me har jakta på insekter. Me såg/fant mange ulike dyr og insekter både sitronsommerfugl, kålsommerfugl, larver, snegle, maur, meitemark, biller, kakelakk og veps. Det var mange ivrige elevar.
Tekst & foto: Laila Gjøsæter
Turen gjekk til Fletaneset i dag. Der leika me, grilla og hadde uteskule. Det var strålande fint vårver og blide ungar!
Tekst og foto: Gro A Halvorsen [Bilete kjem] Ein fantastisk start på skuledagen Onsdag 20.mai 2020 7. Klasse gjekk tur til Utslettefjellet, kor det var strålande sol. Elevane prøvde seg på fjellklatring og kunne godt tenkje seg å starte skuledagane på denne måten. Tekst & foto: Åshild Giving  Kunst og handverk i 5. klasse Onsdag 20.mai 2020
5.klasse var dyktig til å brette papirfigurar i siste time i dag. Alle bretta sommarfuglar som dei hang fint opp i gymsalen. Sjølvsagt måtte me ha ein papirfly konkurranse også.
Tekst & foto: Ingeborg Toft Nerland  6.klasse i skogen Torsdag 14.mai 2020 Klasse har gått til fiskarelvo(??) for ein heil dag med uteskole. Vi har dansa i regnet, grilla og bygd gapahuk. Det blir nok ikkje siste gong vi kjem hit. Tekst & foto: Ingelin Ida Marie Hansen  Førskuledag Tysdag 19.mai 2020 Dette året tok me imot dei nye 1.klassingane individuelt til møte med lærar, Anne Sissel Mugaas, og rektor. Det var gjort slik på grunn av koronasituasjonen. Det kan godt hende at den alle første førskuledagen også i framtida vert gjennomført på denne måten, då me fekk betre tid til ein samtale med enkelet eleven. Alle førsteklassingane kom, og bilete av alle kjem snart i posten! Tusen takk til alle foreldra som møtte til rett tid, då var det ingen som måtte venta før det vart deira tur! Tekst & bilete: Lars Bakka  Andarki i aministrasjonen! Måndag 15.mai 2020 I dag iverksette 5. klasse ein plan dei har brygga på i fleire månadar. Dei har over tid samarbeidd med ein invasjonsstyrke frå Andarika som prøvde å ta makta ved Sagvåg skule. Leiaren deira Donand Trump greidde i ein liten augneblink å ta kontroll over rektor sitt kontor, men invasjonsstyrken greidde ikkje å stå imot rektor sitt motangrep. Det som kunne blitt ein svart dag på Sagvåg skule vart avverga. Ting er no tilbake til normalen, og dei skuldige har fått si straff." (Her er filmen som inspiretet 5.klasse>>) Med helsing oss i 5.klasse!!  Litt 17.mai.... Fredag 15.mai 2020 Det vart litt 17. mai-stemning på Sagvåg skule i dag då 2. klasse laga eit lite tog rundt skulen ....med ein meter mellom kvar elev ! Tekst: Lars Bakka Foto: Anne Elisabet Trevland  Trim i vind og snø Tysdag 12.mai 2020 Det har vore kjølege maidagar med vind og snø. Her er det elevar i 6.klasse som tek seg ein joggetur i uteamfiet. Tekst & foto: Lars Bakka  Litt rart å vera tilbake igjen på skulen Måndag 11.mai 2020 I dag kan du lesa om korleis det var for Helen og Karl Andreas i 5.klasse å ta til på skulen etter nesten åtte veker med nettundervisning. Les meir i Sunnhordland>> Tekst: Lars Bakka  Uteskule på Litlabø Torsdag 7.mai 2020 For ein kjekk turgjeng 2. klasse er. I dag gjekk dei heil opp til grøntanlegget på Litlabø. Her åt med maten. Det var eit langbord til kvar kohort der. Elevane laga troll av blomar, pinnar o.a. Me hadde ein natursti med norskoppgåver. Det var ein flott dag med spreke, blide og kjekke elevar. Tekst & foto:Anne Elisabeth Trevland  Skulane opnar for alle i løpet av neste veke! Torsdag 7.mai 2020 (Oppdatering fredag 8.mai) Ved Sagvåg skule har me no gjort alt klart for å kunna ta imot alle elevane i neste veke. Me har teke i bruk gymsalen, musikkrommet, kunst & handverkrommet og amfiet som klasserom. Då kan 1. til 4. klasse framleis vera i dei romma dei har nytta til no. Romfordelinga er slik: 5. klasse er i gymsalen. 6. klasse har ein kohort i sløydsalen og ein kohort i musikkrommet. 7. klasse ynskjer å ha mykje uteskule, men disponerer amfiet og kjøkenet når dei er inne. Fredag kjem det informasjon om detaljane kring skulestart. Meir frå UDIR>> Alle elevane tek til kl 08.30 måndag 11.mai. Skuledagen sluttar kl 13.00 for 1.-4.klasse og 5. til 7.kl til kl 13.15 kvar dag. Tekst & foto: Lars Bakka 
Uteskule i 2.klasse I dag hadde 2. klasse uteskule. Me var ved stien opp til Utslettefjellet. Me hadde matematikkoppdrag, naturfag, dikta forteljing og laga brakeknaggar. Heldigvis fekk me litt tid til å leike og.
Tekst: Anne Elisabeth Trevland Foto: Anne Brit Holm & Anne Elisebeth Trevland
Uteskule i 1.klasse
På første trinn har dei i kunst og handverk spikka og pussa på bjørkepinner.
Tekst & foto: Laila Gjøsæter |
| April 2020 |
|
Tørkepapir til alle....
 Skulane opnar igjen Tysdag 7.april 2020 I dag informerte regjeringa om at skulane i Noreg opnar igjen for 1. til 4.klasse og SFO måndag 27.april. Det er ikkje bestemt når 5.- til 7. klasse kan komma tilbake til skulen. SFO opnar kl 06.45 og skulen tek til kl 08.30 I perioden 14. til 27. april held me fram med heimeundervisning via Microsoft Teams for alle elevane . I denne perioden vil me ta til med undervisninga kl 08.30 med eit obligatorisk klassemøte for alle. Slik vil skuledagen sjå ut:
08.30 – 09.00 Klassemøte med
elevane (Obligatorisk frammøte) 10.00 – 12.00 Elevane kan forventa hjelp/rettleiing frå lærarane
Oppdatert
informasjon frå
Utdanningsdirektoratet
 Tekst: Lars Bakka  |
| (Arkivfoto) |
Det vart ikkje påskekos på Sagvåg
skule i 2020. Her kan du mimra litt
|
|
 God som ny! Torsdag 2.april 2020 Etter 14 år med hard bruk kvar dag, var sitjegruppa i skulebiblioteket vår heilt utslitt. No har me trekt møblane på nytt og det er gode som nye! |
| Mars 2020 |
|
Vårleg og stille
Kva skjer no? Onsdag 12.mars 2020
Mange var spente på kva som kom til
å skje no når skulane stenger.
Torsdag 12.mars kl 18.00 stengte
alle skulane i landet. Fredag møtest
lærarane for å planlegga det
digitale undervisningstilbodet som
elevane skal få.
Tekst & foto: Lars Bakka
Kjekt med studentar! Onsdag 12.mars 2020
Studentane er godt i gang med praksis i 6. og 7.klasse.
Tekst & foto: Åshild Giving
Fredag 6.mars 2020
7. klasse held på med vekeoppdraget, som er å spele sjakk. Ettersom det er ein del ventetid, så passa det veldig godt å strikke sitjeunderlag samstundes. Tekst: Åshild Giving 
Kodekurs
I dag var det første kursdag for ti heldige elevar som får vera med på kodekurs med Sabuj Battacharya og Shaun Rye frå TEKY Tech. Her kjem elevane til å læra avansert koding og vert nok gode spesialistar for resten av skulen når me alle skal ha kodeveker seinare i vår.
Tekst & foto: Lars Bakka
Vekesamling
Veka vert alltid avslutta med veksesamling. "Heile skulen spelar sjakk" er oppdraget både denne og neste veke. Kulturinnslaget fekk me frå 4.klasse.
Tekst:
Lars Bakka Foto: Åshild Giving
4.klasse lærar 2.klasse
sjakk
Det var stor aktivitet då 4. klasse skulle lære 2. klasse sjakk i dag. Me gler oss til i morgon. Då skal me også spele sjakk saman. Tekst & foto: Anne Elisabeth Trevland
"Alt er lov"
I dag hadde me besøk av Det Vestnorske Teateret, som viste oss framsyninga "Alt er lov". Den handla om leik, fantasi, og om at ein ikkje treng fylgja gamle "reglar" om korleis leiken skal vera, og kven som kan leika med kva. Det vart eit flott stykke med flinke skodespelarar, og elevane i 1. og 2. klasse var heilt med heile vegen. I morgon er det 3. og 4. klasse sin tur. Tjøndalio og Litlabø skular skal og koma på besøk til oss for å sjå førestillinga her. Det er alltid kjekt å treffa naboskulane, så dei er hjarteleg velkomne! Tekst & foto: Egil Petterteig
Skulen vår
....frå lufta
Foto: Lars Bakka
Alle på Sagvåg skule kan spela
sjakk!
I dag har 3.klasse lært 1.klasse å spela sjakk. Det var veldig kjekt - flinke både lærarane i 3.klasse og elevane i 1.klasse. Tekst & foto: Anne Sissel Mugaas
Bro, bro brille
Det var vårleg og god stemning ute i friminuttet i dag. Elevane har mykje kjekt å finna på med Trivselsleiarar, leikar i skogen og i leikeapparata. Det er spesielt kjekt å sjå kor mange elevar som organiserer ulike leikar sjølve. Tekst & foto: Lars Bakka
Lese- og skriveaktivitetar
I 1. klasse arbeidar me med lesing og skriving på ulike måtar. Her er glimt frå dagens stasjonsøkt, der me mellom anna hadde Huskesnu og skriveoppgåver på ark.
Tekst & foto: Jenny Sætre Skjønberg
Matpause med eller utan TV?
Det har gått ein nasjonal debatt dei siste månadene om elevane bør få sjå TV, ofte NRK-Supernytt, medan dei et nista. Ein rask fotoreportasje på Sagvåg skule i dag viser at det er ulik praksis hos oss, og kanskje ulikt frå dag til dag? Tysdagar har 4. og 5.klasse kantine med ferske rundstykke som foreldra betaler for. Då møtest borna rund småborda ved amfiet og et mat utan å sjå tv. I andre klassar var det matpause både med og utan å sjå TV. I neste FAU-møte er dette meldt som sak frå foreldra. Tekst & foto: Lars Bakka
Tilbake til skulen
Måndag er me klare for skulestart etter vinterferien. Halve 1.klasse, gruppa A, får den fyrste symjetimen på måndag. Oversikt over timane finn de her>>
Lurer de på kva me gjer ved Sagvåg skule med tanke på Koronaviruset, så set me fokus på god handhygiene og føl elles råda frå kommunelegen>>
Klikk
for å sjå større versjon:
 Tekst & Arkivfoto: Lars Bakka |
| Februar 2020 |
MGP Sagvåg skule
Den siste fredagen før vinterferien er den store MGP-dagen på Sagvåg skule..... og elevene har talent. Heile dagen er det elevar på scenen, og før me går heim i ettermiddag vil det vera kåra ein vinnar i kvar klasse. 
SFO-fest
I dag har SFO feira at me vann brukarundersøkinga med høgast svarprosent frå foreldra i Stord! Alle borna fekk laga sin egen del av pizzaen med akkurat det dei likte best. Til dessert hadde me sjokoladekake, ho var pynta med pokaler for anledningen. Ein flott fest for både små og store.‼️ Tekst & foto: Beate Mättäl Føyen 
Bokstavfest i 1.klasse
Første klasse har hatt bokstavfest. Me ha gått gjennom alle bokstavane i alfabetet,og har øvd på å lese og skrive dei. Me har hatt kjekke bokstavaktivitetar heile dagen, kahoot, bokstavløype i skogen, arbeid med alfabetet på ark og laga ord med bokstavkjeks. Tekst: Laila Gjøsæter Foto: Valita Øksnes 
Sirkus-show med 5.klasse
5. klasse
gav oss eit flott sirkus-show på
vekesamlinga i dag. Det viste seg
også at alle klassane hadde jobba
godt med temaet "kroppen min og
grensesetjing".
Tekst & foto: Lars Bakka 
Utematematikk
Første klasse har vore ute og hatt matematikk. Dei har målt ulike lengder til dømes kasta på blink og målt lengda. Det vart også tid til litt leik i pyramiden. Tekst & foto: Laila Gøsæter
Berekraftig utvikling og redesign
7. klasse blei godt motteke i Gjenbruksbutikken på Heiane. Dei fekk ei kort innføring i utviklingsarbeid, som blir gjennomført i Afrika, Asia og Sør Amerika. Elevane fekk lov til å handle for 20 kr kvar, som dei skal nytte til redesign på skulen. Det blir spanande å sjå dei ferdige produkta. Tekst & foto: Åshild Giving
2.klasse til biblioteket på
Litlabø I går gjekk 2. klasse til biblioteket på Samfunnshuset. Det litt glatt, så turen tok litt lengre tid enn vanleg, men elevane var veldig blide og kjekke. Då me kom til biblioteket, fekk me høyre historien om Den grøne votten før me fekk låne bøker. Tekst & foto: Anne Elisabeth Trevland
4.februar vart ein flott vinterdag med aking og leik i snøen for elevane ved Sagvåg skule. I det siste friminuttet ber akebakken vår preg av at han har vore mykje i bruk denne dagen!
Testøvelse 13 - selvberging:Bør utføres utendørs. Ha på jakke, skjorte, langbukse og sko. Hopp uti på dypt vann og hold hodet over vann. Svøm 25 m på magen og underveis dykke ned og hente en gjenstand med hendene. Stopp, trå vannet, scull, flyt og orientere seg, samlet i ett minutt. Svøm deretter 25 m på rygg/side og ta seg opp på land.
Trivselsleiar-kurs
I dag har dei nye trivselsleiarane
våre vore på Kurs på Vikahaugane. Me
var saman med elevar frå fire andre
skular i Stord, og lærte nye leikar,
og litt om kva det vil seie å vera
trivselsleiar. Tekst & foto: Egil Petterteig |
| Januar 2020 |
|
I dag var 1. klasse ute i skogen og prøvde finna ut kva som var i ulike posar med bind føre augo. Me hadde laga til ei løype med fleire ulike ting. Det var ikkje lett å finna ut kva det var når ein berre kunne føla med hendene. Ikkje alle greide å finna ut kva gjenstandane var :Skinnkrage ( mange trudde det var ein kosebamse), leike giraff, oppvaskkost, to bananer, kokte pastaskruar og til slutt sjokolade. I den siste posen fekk dei tips om å bruka smakssansen, då kom smila fram:)
Litt skummelt, spanande og kjekt!
Onsdag 29.januar 2020
Me øver oss litt på volleyball i
3.klasse og har ein litt mjuk
start utan ball. Ballongar er
kjempefine å bruka for å trena
inn fingerslag.
Det er ikkje lett å halda mange
ballongar i lufta samtidig - men
med god teknikk og godt
samarbeid vart 3.klasse ganske
gode til slutt. Me avslutta økta
med å sprekka alle ballongane -
det vart ein fin salutt
avslutning på gymøkta vår.
Samarbeid i 2.klasse
 Alle 7. klassane i Stord kommune deltek i «Ung på Stord.»
Hovudmålsetjinga med Ung på Stord er å ta gode val for deg sjølv med omsyn til helse, nettvett og rusmiddel. Elevane har fått eit arbeidsheftet og skal ha ein presentasjon for dei føresette på slutten av prosjektet. Tekst & foto: Åshild Giving
Skriving med skrivestartarar
Tekst & foto: Ingrid Kvernenes Misje
Tekst & foto: Lars Bakka
Vårleg midt i januar Elevane ved Sagvåg skule er klare for vinter med snø og aking ..... men midtvegs i januar er det framleis grøne bakkar rundt skulen. Tekst & foto: Lars Bakka
Stasjonar i 1.klasse Elevane på første trinnet har hatt norsk og matematikk stasjonar. Dei har trilla terning og laga ord med A-ballane i gymsalen. Dei har og skrive tekst på data og laga figurar med geometriske former.
Vekesamling med litt skummelt 3.klasseshow!
Fredag hadde 3.klasse eit litt skummelt show for oss! Vekeoppdraget var å ta godt vare på kvarandre den første skuleveka, og slik få ein fin skulestart. Den neste veka set me fokus på å ta godt vare på den fine skulen vår, med m.a. ryddige garderobar.
Tekst & foto: Lars Bakka
Knuser
eit egg om det vert kasta frå ei høgd på ca
4 meter når det er verna i ein konstruksjon?
Det skulle 6. klasse undersøkja i dag. For å verna egget fekk dei nytta nytta papir, splittbinders og tape til å laga kreative konstruksjonar av. Aktiviteten og kreativiteten var stor, og det var kun eitt egg som fekk seg eit lite kakk!
Tekst & foto: Hildegunn S Heimro
Første skuledag etter juleferien er måndag 6.januar. Elevane tek til kl 08.30 og SFO er open frå kl 06.45. Allereie første skuledag er 2., 4. og 6.klasse klar for symjeopplæring. Det er no avgjort at bassenget held ope heilt til skuleslutt i juni 2020.
Tekst & foto: Lars Bakka |
