HAUSTEN 2013                                        Arkivet>>

God stemning siste dag før jul Fredag 20.desember 2013     Det var god stemning under den siste adventsamlinga i denne førjulstida. Det har vore elevane som har hatt ansvaret for underhaldninga i desse samlingane, men i denne siste samlinga var det Egil & Lars som hadde regien. Det var kor med dei vaksne på skulen , Romjulsdrøm og me avslutta med duoen Egil & Lars som song julesong...applausen stod i taket!! GOD JUL! frå oss ved Sagvåg skule! Film og foto:Kornelia Vestvik Matre Tekst: Lars Bakka
God stemning siste dag før jul Fredag 20.desember 2013     Det var god stemning under den siste adventsamlinga i denne førjulstida. Det har vore elevane som har hatt ansvaret for underhaldninga i desse samlingane, men i denne siste samlinga var det Egil & Lars som hadde regien. Det var kor med dei vaksne på skulen , Romjulsdrøm og me avslutta med duoen Egil & Lars som song julesong...applausen stod i taket!! GOD JUL! frå oss ved Sagvåg skule!    Film og foto:Kornelia Vestvik Matre Tekst: Lars Bakka	God jul frå 7. klasse Fredag 20.desember 2013 Vemodig, men sant, så var dette siste juleavslutninga for denne 7. klassen på Sagvåg skule! Sjå stort bilete    Tekst og foto: Hildegunn S Heimro	Julenisse i SFO Torsdag 19.desember 2013   I ettermiddag kom sjølvaste Julenissen til SFO ved Sagvåg skule. Han hadde med gåver til alle borna, og alle vart nøgde! Takk for besøket til Julenissen!   Tekst, film og foto: Lars Bakka
Julefrukost Torsdag 19.desember 2013     Julefrukosten er ein fin tradisjon ved Sagvåg skule. Tidleg torsdag morgon spreier lukta av kakao seg i skulen, og kl 08.30 er det klart for servering av ferske rundstykke og kakao til 160 elevar i gymsalen.   2013-12-19-julefrukost Tekst: Lars Bakka Foto: Ingrid Kverneven Misje	Juleverkstad for heile skulen Onsdag 18.desember 2013     I dag har heile skulen vore med på juleverkstad. Tusen takk til alle foreldra som kom og var med og hjelpte oss. Det var nok mange elevar som fekk med seg fine, sjølvlaga, julegåver heim i ettermiddag.    Tekst: Lars Bakka Foto: Elisabeth Magnussen og Kornelia Vestvik Matre	Grautfest for 3., 4. og 5. klasse. Tysdag 17.desember 2013     Då me kom attende frå skulegudstenesta tysdag, åt elevane i dei tre klassane graut saman. Grauten var god, og det var spennande å leita etter mandlane. Det var seks elevar som fann kvar sin mandel, og dei fekk sjølvsagt premie.... Ei koseleg stund!     Tekst: Aasne H Vikanes Foto: Elisabeth Magnussen
Luke 17 Tysdag 17.desember 2013 I dag var det Quiz som dukka opp i adventskalenderen til SFO.Vinnarane vart .klasse-laget "Sper først". I premie fekk alle is. Tekst & foto: Elisabeth Magnussen	No går det raskt mot slutten.... Tysdag 17.desember 2013   I dag tok Kornelia, Martin og Danita ein tur ned til gamle Sagvåg skule for å sjå dokumentera rivingsarbeidet. No er datarommet, personalrommet og administrasjonen borte vekk. No kjem det ikkje til å ta lang tid før heile huset er borte. Du kan lesa meir om det gamle skulehuset her>>    Tekst: Lars Bakka Fototur: Kornelia Vestvik Matre, Martin og Danita	Uteleik og julegraut Måndag 16.desember 2013   1.klasse hadde ei kjekk leikestund ute saman med fadrane i 6. klasse i dag. Etterpå koste me oss med julegraut, og 4 av 6 mandlar vart funne.    Tekst & foto: Jenny Sætre Skjønberg
Julebad Måndag 16.desember 2013   Den siste symjetimen vart avvikla i dag med "julebad". Det er tradisjon at den siste symjetimen er ekstra kjekk med matter og ballar i bassenget.   Tekst & foto: Lars Bakka	Adventsamling og Luciatog Fredag 13.desember 2013 I dag starta dagen med den tredje adventsamlinga og Luciatog med 1.klasse. Det var elevane i 1. og 6.klasse som hadde ansvaret for denne samlinga. Her er oversikta over ulike hendingar ved Sagvåg skule i tida fram mot jul.   Tekst: Lars Bakka Foto Kornelia Vestvik Matre	Eit parti sjakk Fredag 13.desember 2013 Det er kjekt å sjå at elevar møtest til eit parti sjakk i biblioteket. Her er det elevar i 7.klasse og 2.klasse som spelar.   Tekst & foto: Lars Bakka
Julekos og julegraut! Fredag 13.desember 2013 Som tidlegare nemnt har 2. og 7. klasse hatt julekos denne veka. I dag avslutta me dette med julegraut. Det er alltid spennande kven som får mandelen og denne gong var det Øyvind og Martin. Den 3. mandelen forsvann antan i ein mage eller så veit ikkje me. Borte vekk var den iallefall! No kjem elevane snart heim med peppernøtter på ferdigpynta glas:-) Tekst & foto: Hildegunn S Heimro	Julebakst og julepynt Torsdag 12.desember 2013 Då var julebaksten unnagjort i 3 klasse. Mange  gode pepperkaker og fine julekorger vart resultatet :)   Tekst & foto: Gro Akselsen Halvorsen	Til lags åt alle.... Onsdag 11.desember 2013 Til lags åt alle kan ingen gjera, song me på Ivar Aasen samlinga. Tysdag var nok dette ikkje heilt sant. Det var berre fornøgde elevar å sjå då 4.klasse laga serinakaker og julepynt.   Tekst: Brita Flatøy Foto:Kari Myhre og Brita Flatøy
Julevask og peppernøtter Onsdag 11.desmber 2013 6. klasse storkoste seg med fadderborna. Dei laga peppernøtter. Halve kjøkenet fekk ein flott julevask, så no håpar elevane at me kan halda det reint. Tekst & foto/video: Åshild Giving	Jul i gamledagar Tysdag 10.desember 2013 I dag har 2.klasse vore på tur til museet. Me fekk læra om korleis ein førebudde seg til jul og korleis sjølve julefeiringa gjekk føre seg i gamle dagar. Astrid Elin Lønning frå museet fortalde og me måtte ta i eit tak me også med å bera vatn, hogga ved, baka flattbrød, skura golv og vaska kle! Fjøsnissen fekk me også møta og me fekk lokka han fram med litt graut:-) Tusen takk til foreldre som køyrde til og frå! Tekst: Anne Brit Holm Foto: Ingrid Kvernenes Misje	Julekos for 2. og 7. klasse Måndag 9.desember 2013 Denne veka vert det endeleg litt fadderkos. Me starta i dag og skal ha 3 økter med aktivitetar og så avsluttar me med graut på fredag. Me gler oss til koseleg samvær! Her er nokre bilete frå bakegruppa: Tekst & foto: Hildegunn S Heimro
Den andre adventsamlinga Fredag 6.desember 2013 Det var idyll og koseleg julestemning med snø og adventsamling på Sagvåg skule. Denne gongen var det 3.- 4. og 5.klasse som hadde ansvaret for kulturinnslaga. Neste fredag er det elevane i 1. og 6.klasse som står på scenen. Det er kjekt at så mange foreldre tek seg tid til ein mjuk start fredag morgon. Foto og film frå samlinga finn du her Tekst & foto: Lars Bakka	Kjekt med vinter Fredag 6.desemvber 2013 Elevane storkosa seg ute i friminutt og utegym i det friske vinterveret i dag. Tekst: Lars Bakka Foto: Kornelia Vestvik Matre	Flott Ivar Aasen-framsyning Torsdag 5.desember 2013   I dag har elevane i 4. og 5.klasse hatt  to framsyningar om Ivar Aasen. Først ei framsyning i skuletida kl 12.00, og så ei kveldsframsyning for foreldra kl 18.00. Her er film og bilete frå framsyningane. Foto frå kveldsframsyninga (Foto: Ingrid Kvernenes Misje) Framsyninga på 3 minutt (for PC) Framsyninga på 3 minutt (iPad) Framsyninga på 3 minutt med HD-kvalitet (iPad) Heile framsyninga (for PC) Tekst & film: Lars Bakka
Eit siste farvel.... Torsdag 5.desember 2013 Aleksander Kaminski har lagt ut denne videoen frå rivingsarbeidet ved gamle Sagvåg skule. Du kan sjå filmen på YouTube her>> Tekst: Lars Bakka Film: Aleksander Kaminski	Nissen lagar sjakkruter Onsdag 4.desember 2013 I dag trengte vi ein som har erfaring med å lage sjakkruter, så nissen tok ansvaret. Han hadde med seg 3 hjelparar og dei storkoste seg på kjøkenet. Då resten av gjengen kom, så starta me timen med divisjon. Me måtte finne ut kor mykje deig kvar skulle få og korleis dei skulle samarbeide for at kjeksa skulle få riktig mønster.  Tekst & foto: Åshild Giving	Førjulstid ved Sagvåg skule Onsdag 4.desember 2013 Nå er julekalenderen i 6. klasse hengt opp. Alle har bretta og pynta ei stjerne. På måndag skal me trekkje kven som får ta med seg stjerna heim. I tillegg får dei med seg eit brev frå sin hemmelege ven.  Me har fokus på mot til å glede i adventstida, så dei skal  få gjere noko kjekt med fadderborna. Tekst & foto: Åshild Giving
1.klasse 2014/15 Onsdag 4.desember 2013 Etter at me hadde gjennomført innskrivingsmøte for 1.klasse 2014/15 så har me registrert heile 37 førsteklassingar. Dersom alle desse elevane tek til ved Sagvåg skule hausten 2014 så vert det  to førsteklassar med 18 og 19 elevar i kvar klasse. I foreldremøtet vart det opplyst om at både Litlabø- og Tjødnalio skule har små førsteklassar hausten 2014 og god plass..... Tekst: Lars Bakka	Bingo i SFO Onsdag 4.desember 2013 I dag var det BINGO i SFO kalendaren! Der var det karamell og pepperkaker! Smil og glade hyl etterkvart som bretta vart fulle av brikkar :-) Tekst & foto: Elisabeth Magnussen	Møte i Elevrådet Onsdag 4.desember 2013 I dag har det vore møte i elevrådet. Her er referatet>> Tekst: Lars Bakka Foto: Anne Elisabeth Trevland
Julegate Onsdag 4.desember 2013 6. klasse har bretta stjerner og 7. klasse har laga englar som skal få pynte jula i Sagvåg .Tonje frå 6. klasse og Tommy frå 7. klasse  fekk æren av å overrekkjepynten til Grete Brandsdal.Ta turen til Sagvågsbrekko og sjå utstillinga. Tekst & foto: Åshild Giving	Høgt oppe Tysdag 3.desember 2013 Egil måtte høgt opp då me skulle montera lerrettet over scenen i gymsalen. Torsdag er alt klart for Ivar Aasen framsyninga til 4. og 5.klasse. Tekst: Lars Bakka Foto: Elisabeth Magnussen	Advent i 4.klasse Måndag 2.desember 2013 Adventstida er ei stemningsfull tid på Sagvåg skule. Skulen lyser varmt med stjerner og juletrelys, og julekalenderane heng i kvart eit klasserom. Bileta er frå 4. klasse si adventsstund på måndag. Dei har også fått hengt opp dei fine fantasifiskane dei har jobba med i kunst- og handverkstimane i det siste. Tekst & foto: Ingrid Kvernenes Misje
Den første adventsamlinga Fredag 29.november 2013 Tema for den første adventsamlinga var advent og tradisjonar. Som vanleg var det lystenning medan alle song. Med eit høgt og flott juletre, store stjerner og mange lys, var det lett å føla på adventstemninga. Det var ei roleg og fin stemning blant publikum. Kjekt at nokre foreldre tok seg tid til å vera med. Andre klasse song:" Det står et lys og skinner". Dei fortalde at adventsfeiring opphaveleg er ein tysk juletradisjon. To elevar i 7. klasse, som er med i korpset, spelte litt frå eit par julesongar. Jentene song  ein song som alle etter kvart skal læra seg: "Den lille stjernen". Det var og song og dramatisering av: "Julekveld i skogen". Eit humoristisk innslag som mange sette pris på! Tekst : Kjell Byrknes Foto: Ingrid K Misje	Siste dag i SFO Torsdag 28.november 2013 Siste dagen på sfo for Phillip, han hadde med is og me kosa oss. God mat hadde meg også. Tusen takk Phillip. Tekst & foto: Liljan Vestbøstad Waage	Til biblioteket Torsdag 28.november 2013 Onsdag 20 november var 5.klasse kosa seg på biblioteket på Litlabø. Me fekk kikka i mange kjekke bøker, og mange elevar lånte med seg bøker heim. Kari Bolette les for oss frå ei spanade bok som heiter Trash. Det var, som vanleg når Kari Bolette les, ikkje ein lyd frå elevane dei 25 minuttane ho las. Tekst og foto: Lene T Almås

Mormor og dei 8 ungane. Torsdag 28.november 2013 1.- 4.klasse har hatt leseveker og alle elevane har blitt delt inn i ulike grupper.  Den eine gruppa laga figurar frå boka til Anne Cath Vestly om mormor og dei 8 ungane. Dette var ei oppgåve som fekk fram mykje kreativitet og det vart mange flotte utgåver av mormor og barnebarna hennar :) Tekst & foto: Gro A Halvorsen	Klar for julebakst! Onsdag 27.november 2013 6. klasse er i gong med julebaksten. I dag har 4 flinke elevar laga deigen til berlinerkransar.  Deigen heva i 2 timar og klassen fekk trille ut kransane. Heile klassen har fått gleda av å smake. Tekst og foto: Åshild Giving	Snart desember Onsdag 27.november 2013 Aldri har Sagvåg skule hatt eit så stort og flott juletre som i år! Det var ein heil jobb å få det på plass, men no se ser svært så fint ut i amfiet! Tekst: Lars Bakka Film: Åshild Giving (Klikk bå biletet under)
Lommelykttur Tysdag 26.november 2013 Måndag 25.11 var 3.klasse på lommelykttur til Eventyrskogen. I Eventyrskogen var det fint pynta med lykter. Stemningsfullt! På veg heim grilla me pølser i den nye gapahuken. Mange elevar og foreldre var med, og det vart ein kjekk tur i flott vinterver. Ein stor takk til dei som lagar det så fint til i skogen rundt oss:-) Mvh Randi Luggenes Natvik	Mønster Tysdag 26.november 2013 2.klasse har om mønster i matematikken. I dag har me hatt grupper og på den eine gruppa vart det laga mange flotte mønster :-) Tekst og foto: Anne Brit Holm	Ein vinterdag Måndag 25.november 2013 Her er nokre fine bilete frå friminuttet i går. Tekst: Lars Bakka Foto: ?
Forfattar og teiknar Reidar Kjelsen Fredag 22.november 2013 I dag hadde Sagvåg skule forfattarbesøk av Reidar Kjelsen. Han fortalte om kvifor han ville verta forfattar. Det var mellom anna fordi då kunne han gjera akkurat kva han ville. Og det gjorde han. Kjelsen er spesialist på å teikna monster, og han teikna monster på bestilling etter kvart som elevane sa korleis dei ville ha det. Han har og teikna til bøkene om Otto Monster, som sikkert mange kjenner. Det var ein skuletime elevane seint vil gløyma :-) http://www.svinepelsen.no/ Tekst og foto: Egil Petterteig	Vekesamling Fredag 22.november 2013 I dag var det vekesamling med avslutning på vekeoppdraget "Mot til å glede". Samlinga vart innleia med flott konsert med Johannes og Aleksander frå 7.klasse. No tek vekeopodraga ein pause i desember. Då overtek førjulssamlingane. Me er tilbake med nye vekeoppdrag på nyåret. Tekst & foto: Lars Bakka	Mot til å glede Fredag 22.november 2013 Lars Andreas og Endre frå Nysæter ungdomsskule kom kom ned til Sagvåg skule for å vise "Mot til å glede", og det klate dei. Alle elevane vart glade for peparkakene som dei delte ut. Tekst & foto: Lars Bakka
Mot til å glede Torsdag 21.november 2013 Me har jobba med å glede kvarandre i 6. klasse denne veka. Ein av elevane foreslo at me skulle glede fadderborna med  lappar. Då kom superkokkane i sving med steikinga. 1. klasse blei glade då fadrane kom. Tekst & foto: Åshild Giving	Ein fin vintermorgon Torddag 21.november 2013 Det vart ein nydeleg vintermorgon med soloppgang over Utslettefjellet i dag. Tekst & foto: Lars Bakka	SFO-kokk i arbeid Torsdag 21.september 2013 Samuel i full sving med å skjera opp litt pølsa til B-gjengens spaghetti saus som skal serveres på sfo idag! :) Tekst & foto: Liljan Vestbøstad Waage
Dans i SFO Torsdag 21.november 2013 Martina hadde dans med dei på sfo igår :) Heile gjengen var ganske slitne etterpå ;) Tekst & foto: Liljan Vestbøstad Waage	Dans og musikk på SFO idag! Onsdag 20.november 2013 I dag har SFO vore i gymsalen og dansa til musikk på full guff! Tekst & foto: Liljan Vestbøstad Waage	Snøballkasting Onsdag 20.november 2013 Det er lov å kasta snøball på Sagvåg skule, men berre på blinkane. No heng det øydelagte rumpeakebrett på fjellveggen. Det er berre på desse blinkane det er lov til å kasta på. Det kjem fleire akebrett etter kvart. Tekst & foto: Lars Bakka
Etter skuletid 16/11 2013 Tysdag 16.november 2013 Mykje hadde endra seg frå morgon til kveld i dag, me fekk vinter... Tekst: Lars Bakka  Foto: Elisabeth Magnussen	Før skuletid 19/11 2013 Tysdag 19.november 2013 Då me gjekk ut for ein liten luftepause før skulestart i dag blei mange av borna opptatt av den fine himmelen med klår og full måne :-) Tekst & foto: Elisabeth Magnussen	Siste kapittel Laurdag 16.november 2013 I går skreiv Stordnytt at rivinga av gamle Sagvåg skule tek til i veka som kjem. Då er sju lange år med forfall komme til ein ende. Det gamle skulehuset stod klart til bruk våren 1940. Her kan du lesa meir om det ein gong så stolte skulehuset i Sagvåg>> Les meir i Stordnytt>> Tekst: Lars Bakka
SFO til Agdestein del 2 Fredag 15.november 2013 På fredag tok me turen til hestane på Agdestein med resten av borna :-) Me var ikkje like heldige med véret denne gangen, så me haldt oss inne i stallen! Borna fekk ete nista si før dei etter tur fekk ri! Nokre av borna var litt usikre på om dei ville, men alle trassa frykta og syntes det var heilt topp!  Tekst & foto: Elisabeth Magnussen	Kjekt med sjakk Fredag 15.november 2013 Alle lærarane ved Sagvåg skule kan spela sjakk. Me har også eit stort sjakkbrett og klassesett av vanlege sjakkbrett. Etterkvart er det mange av elevane som lærar seg kunsten å spela sjakk. Tekst Lars Bakka Foto: (Ukjent)	Mot til å glede Fredag 15.november 2013 Etter ei veke med "Manifest mot mobbing" så er det no tid for vekeoppdraget "Mot til å glede". Kjekke vekeoppdrag som vil hjelpa oss med å halde på eit godt skulemiljø. Tekst Lars Bakka Foto: Ingrid K Misje
Kylling og ris i SFO Torsdag 14.november 2013 I dag diska me opp med kylling,ris og salat! Så stille som det var i dag med måltidet trur eg det er lenge sidan det har vore! Ikkje mange fat med restar i dag heller :-) Tekst & foto: Elisabeth Magnussen	I kø for å skriva under på Manifest mot mobbingg Onsdag13.november 20133   Det vart køi 7. klasse då elevane fekk tilbod omåå skrivaunderr påManifest mot mobbing 2011-2014. Mee snakka om kva dette manifestet er og såg nokre kortfilmar som handlar ommobbing. Manifestet er eit nasjonalt forpliktande samarbeidforr eit godt og inkluderande oppvekst- og læringsmiljø. Det er underskrive av tidlegare statsministerJens Stoltenberg, KS, Foreldreutvalgetforr barnehagar, Foreldreutvalgetforr grunnopplæringen, Fagforbundet, Utdanningsforbundet m.fl. Våre underskrifter vart hengt oppii klassan som ei bevisstgjering og eit bidrag til inkluderande og godt oppvekstmiljø.   Alle klassane jobbarmedd dette denne veka, då det er vekeoppdraget vårt:-) Tekst & foto: Hildegunn S Heimro	Skulevandring Onsdag 13.november 2013   I dag har eg filma undervisninga i småskulen frå morgonen til matpausen. Den første løkta var det leseveke med blanda grupper og i den neste økta etter halv ti vart det undervist i ulike fag. Det kjem ein liten film på nettsida vår. Ein lenger film vert nytta internt for å evaluera undervisninga i klassane. Filmen i iPad-versjon>> Filmen i windows-versjon>> Tekst & foto: Lars Bakka
Leseveker i småskulen Tysdag 12.november 2013   I går hadde småskulen besøk av Kari Almås. Ho las frå "Gutt" som Roald Dahl har skrive. Det var veldig kjekt å høyre på. Småskulen skal ha 3 leseveker. Elevane skal bl.a lese bøker, høyre lydbøker, lage bøker, sjå film.  Tekst:  Anne Elisbeth Trevland Foto: Ingrid Kværnenes Misje	Ein symjar er ein livreddar Måndag 11.november 2013   4.klasse har hatt livberging i Nysæterbassenget i dag. Etter kvart er 4.klassingane så gode symjerar at dei no også kan reddat andre i ein naudsituasjon.   Tekst & foto: Lars Bakka	Alle dansa BlimE-dans på Sagvåg skule Fredag 8.november 2013   I dag dansa heile skulen BlimE-dansen. Dette markerte slutten på vekeoppdraget om BlimE.  Du kan sjå dansen er>>     iPad-versjon>> Film: Egil Petterteig Tekst: Lars Bakka
Nytt vekeoppdrag Fredag 8.november 2013   Det nye vekeoppdraget er "Ikkje mobb" Allereie før vekeoppdraget tok til var det flott allsong i amfiet. Musikkvideoen finn du her>> iPadversjon>>   Tekst & film: Lars Bakka	Open dag 2013 Torsdag 7.november 2013   I dag har det vore open dag på Sagvåg skule. Tusen takk til alle som kom for å hjelpa oss med å samla inn pengar til Redd Barna. Når teljejobben var gjort, viste det seg at me hadde samla inn heile kr 30.710,- Les også artikkelen i Sunnhordland>>   Tekst: Lars Bakka Foto: Ingrid K Misje	HMT i fokus - bedriftsbesøk på Wärtsilä Torsdag 7.november 2013 Onsdag var 7. klassane i Sagvåg/Litlabø-området invitert til bedriftsbesøk på Wärtsilä i Grunnavågen. Me fekk kort info om bedrifta og informasjon om HMT, bl.a. såg me ein kortfilm der HMT var tema. Deretter fekk me ei omvisning inne i produksjonshallen. (Grunna skilt med fotografering forbode, tok me ingen bilete der). Spennande og kjekt for elevane å få sjå og vita meir om ei av dei lokale bedriftene!Takk for info, boller og saft! Etter besøket hadde me oss ein runde for å bli betre kjend i området. Me var nede ved kaien i Grunnavågen. Der fekk elevane vita meir om lokal historie, me åt nista vår i haustsola, og så leika me Tredjemann i vinden før me rusla heimover. På heimveg var nokre av elevane innom på Kiwi og handla mat til kantina, medan resten var ein tur nede på kaien og ved saga. Ein fin tur i flott vèr!     Tekst & foto: Hildegunn S Heimro
Elevane planta påskeliljer Onsdag 6.november 2013   I dag har alle elevane ved Sagvåg skule vore med på å planta påskeliljer. Til våren vil alle elevane sjå resultata av arbeidet dei gjorde 6.november.   Tekst & foto: Lars Bakka	Utelys som lyser Onsdag 6.september 2013 I dag vart mange av dei utelysa som har vore svarte i haust blitt ordna. Arbeidet held fram i morgon Tekst & foto: Lars Bakka	Forfattarbesøk i 7. klasse! Tysdag 5.novemver 2013   Me har hatt besøk av forfattar, artist og komponist Atle Hansen. Han presenterte den nyaste boka si FLUKT og så fekk me høyra frå boka Den svarte oksen. Med innleving fortalde han om korleis det er å vera forfattar, om skrivesperrer, å laga seg reglar for skriving og ikkje minst morosame historiar frå barndom og vaksenliv, som er utgangspunkt for diktinga av bøkene. Både små og store drog på smilebåndet :-)   Takk for besøket! Tekst & foto: Hildegunn S Heimro
Regnverstur for 4.klasse Tysdag 5.september 2013   Yr hadde lova bra ver, men regnet ausa ned på oss då me var på tur tysdag. Heldigvis tåler 4.klassingane regn. Bål og pinnebrød er alltid vellukka.  Foto: Kari Myhre og Brita Flatøy	Veke 44 i 4.klasse Tysdag 5.november 2013   Her kan de sjå nokre bilete som viser litt av det 4. klasse jobba med sist veke. Bileta er tekne i matematikk-, norsk- og engelsktimane. Fredagen vart avslutta med kunst og handverk. Her lagar elevane flotte fantasifiskar.   Tekst & foto: Brita Flatøy	Studentane overtok 7.klasse Fredag 1.november 2013   I dag var det siste dag med studentane for 7 klasse. Elevane var aleine med studentane og koste seg heile dagen. Dagen starta med å øve på eventyret “Prinsessen som ingen kunne målbinde” som dei skulle dramatisere framfor fadderungane sine. Sjølvsagt hadde dei sin eigen vri på eventyret. Askeladden fant både det eine og det andre, alt i frå ei steikepanne, ein gammal mobil, og kvikklunsj, men med dette klarte han sjølvsagt å få det han var ute etter, nemleg prinsessa. Framføringa var vellykka og elevane kosa seg, det gjorde også fadderungane. Då eventyret var ferdig, var det “What does the fox say?” som stod på full guffe, og 7 klasse elevane tok med seg fadderungane ut på golvet og dansa vilt. Etter dette såg dei film, og det var sjølvsagt heldige og få noko attåt. Dei var godt fornøgde med sjokoladekake, chips og brus. Dagen slutta med ein morosam adjektivforteljing laga av Karina. Deretter måtte elevane stå på rekke og rad for å gi gode klemmar til dei kjekke studentane, Lisa Mari, Maria og Karina   Helsing Lisa Mari, Karina og Maria 😉