Fredag 21.desember var siste skuledagen før jul. Me hadde ei koseleg samling i amfiet før me var i kyrkja og hadde ei fin avslutning på årsstega. Fleire bilete frå samlinga i amfiet>>

GOD JUL TIL ALLE!

Første skuledag etter jul er torsdag 3.januar

Martin Aarnes Sikveland på 7.steget har vunne tur til London!
Då Sagvåg skule var med på leselystaksjonen i haust var Martin ein storlesar. No viser det seg at Martin har vunne førstepremien som er: 'Ein tur til London med besøk på Den Norske Skolen i London'. GRATULERER MARTIN! 
Siste nytt: Les meir om Martin i 'Sunnhordland'>> (Oppdatert kl 19:00)

Onsdag 12.desember var heile 4.steget med lærarar, foreldre og søsken samla til felles julekvelds. Kvar familie bidrog med litt til koldtbordet. Elevane song for oss, og etterpå kosa me oss med julemann, kaker, kaffi og brus.  Fleire bilete>>

Onsdag var det 5. steget sin tur til å baka. Elevane kjevla og stakk ut flotte pepperkakefigurar, som dei fekk med seg heim. Fleire bilete>>

Måndag baka elevane på 3. steget julekaker. Ivrige troppa dei opp på kjøkenet med forkle og kakeboks, og resultatet vart deilige serinakaker som elevane fekk med seg heim. Fleire bilete>>

Utedag
Publisert: 13.desember 2007 kl 16:30

Endeleg ein onsdag med fint ver. 1. og 2.steget koste seg ute i finveret. Først tok me oss ein rask trimtur. Etterpå var me oppe i trimløypa vår og brende bål og steikte pinnebrød. Fleire bilete>>

Foto: Anne Brit Holm  Tekst: Brita Flatøy

Lærlingane har hatt i oppgåve å forma uteområdet til skulen. Grupper frå SFO har vore med og i dag var resultatet klart. Dei har nytta leire, stein og 'busk og kratt' frå skogen.
Det har vore lærerikt og spanande både for store og små.

Legogjengen vart heidra på Sagvåg skule i dag. Mathilde Titland, Kristin Steinsland, Håkon Skogseide, Tore Hoff Edvardsen og Eirik Sætrevik kom heim frå Bergen med 'Programmeringsprisen' og pokalen har no fått heidersplass i pokalskapet vårt.
I dag var det fest og alle elevane på 5.-6.- og 7.steget var med på feiringa med pizza til alle! Takk til Kari Myhre som var sjefskokk!  Fleire bilete>>

I dag var det eit stort oppslag i Haugesunds avis om farleg skuleveg for elevar ved Sagvåg skule. Det er elevane som bur i Dybvik som har mørk og farleg veg. Les heile saka i Haugsunds avis>>

I dag, onsdag, har småskulesteget hatt konsert med musikarane Magnus Blom, Grethe Hylland og Werner Bryn.

Tekstane og musikken var knytt opp mot sol, regn og vind. Me fekk vera med på ein kjempefin konsert. Fleire bilete>>

I dag har 1. og 2. steget vore ute i det flotte vinterveret. Me byrja med to raske rundar i løypa og fekk trimma oss skikkeleg. Etterpå var det tid for leik i skogen. Nokre klatra i Tarzan-løypa og andre bygde hytte. Nokre jenter på 2.steget meinte at gøymsel var perfekt i skogen. Me såg mange fine raude roser i kinna på elevane då skuledagen var over. Fleire bilete på sidene til 1.st>> og 2.st>>

HUGS REFLEKS!

Andre og Jørgen har no fått hjelp av Ivana og Kristian i jobben som reparatørar for utstyret vårt og gartanarar.
Det ver no Kristian som vert gartnarsjef, medan Jørgen, Andre og Ivana gjer småreparasjonar. Meld frå om de ser noko som er øydelagt, eller laust.

Takk til alle som søkte! Det var åtte søkjarar til dei to ledige stillingane.

Elevrådet ved Sagvåg skule gjer ein flott jobb og peikar på mogne viktige saker som elevane meiner at det burde vore noko gjort med. Som rektor skulle eg ynskje at eg berre kunne sagt ja til alt, men slik er det nok ikkje.... Når de les referatet vil de likevel sjå at elevrådet får mange positive svar ;-) Du finn referatet her>>

1 steg på Litlabø og Sagvåg skular har hatt besøk av Irene Simonsen og Elin Sofie Lotsberg. Me fekk sjå forestillinga Brødfanten og andre skabelonar.

Det var ei kjekk stund for alle.  Fleire bilete finn du her>>

I dag har 2.steg lært hjarte og lungeredning av 7.steg. 7 steg var flinke lærarar, og 2 steg var motiverte elevar. Fleire bilete på sidene til 2.steget>> og 7.steget>>

Etter tre veker med besøk av studentar, avslutta me med bollebaking og saft. Det vart 124 bollar. Kjempeflott! Dette var populært. Fleire bilete>>

1 og 2 steget har vanlegvis turdag på onsdagen, men grunna veldig dårleg ver, valgte me å vera inne. Me laga tre stasjonar, det alle tre gruppene skulle innom kvar stasjon. Den eie stasjonen hadde dans og songleikar i musikkrommet, ei gruppa fekk fortalt eventyr i Dåvamyro og den siste gruppa hadde bingo i 2 steget sin base. Etter aktivitetane fekk elevane servert tomatsuppa i fellesarealet for 1 og 2 steget.

Då alle elevane var forsynte med suppa, fekk dei ein premie for god innsats. Både i bingo, leik/dans og eventyr. Det verka som om alle elevane var fornøyde med dagen.
Fleire bilete på sidene til 1.steget>> og 2.steget>>

Elevane på 4. steget hadde i dag ansvaret for den sosiale samlinga i amfiet. Daniel og Simona var flinke programleiarar, og temaet denne gongen var Venner. Elevane hadde mange fine innslag med både song, dikt og dans! Fleire bilete her>>

24.oktober var 2.steget på biblioteket for første gong. Mange av elevane lånte bøker, og alle fekk høyra eit spennande eventyr. Etterpå leika me og kutta opp grønnsaker. Fleire bilete på sida til 2.steget>>

Me er inne i "Leselystprosjektet", og 6. steget har øvd ei veke i forkant for å lesa høgt til fadderborna sine. "Eg skjelv i beina" var ein av kommentarane frå 6. steget før dei gjekk i gang med lesinga, men det gjekk kjempefint! Fleire bilete på sidene til 1.steget>> og 6.steget>>

På onsdag var 1.steget på tur til "Rauga løo" i det fine haustveret. Studentane våre som heiter Lone, Monica, Harald og Rune Vidar, hadde laga til eit flott opplegg for oss. Me steikte pinnebrød på bål, me fekk deilig tomatsuppe og alle fekk snikra eit flott spindelvev. Både store og små hadde ein kjempeflott dag! Fleire bilete på sida til 1.steget>>

Tekst & foto: Anne Brit Holm og Gro A. Halvorsen

Onsdag 24. oktober var 3. årssteget på biblioteket i Samfunnshuset. Det passa godt no når me har leselystaksjon. Kari Bolette fortalde for oss og mange av elevane lånte bøker. Etterpå var me på fotballbanen på Nysæter. Studentane Cristin, Hanne, Helle og Katrine sparka fotball og leika saman med oss. Me hadde flott haustver. Fleire bilete på sida til 3.steget>>

Tekst & foto: Aasne H. Vikanes

Fleire bilete frå førebuinga på tysdag finn du her>>

Klikk på biletet for å sjå stor plakat:

Tusen takk til alle som var med på ryddeaksjonen torsdag og fredag!
Alle elevane ved Sagvåg skule har vore med på å rydda bort alle dei små og litt store steinane som låg rundt Sagvåg skule. Då Bygg & eigedom kom for å henta traktoren fredag ettermiddag så var hengaren full av stein! FLOTT JOBBA!!

5-7 steg fekk vere med på konserten "Vi improviserer" i dag. Musikarane var kjempeflinke, og me koste oss veldig både elevar og lærarar. Fleire bilete>>

Stian demonstrerte 'hoppesko' på skulen i dag. Stian var fantastisk flik! Me som har einhjulingar og andre tøffe saker burde kanskje hatt nokre slike. Her kan du sjå ein film. Dette er ikkje Stian! >>

Mellomsteget starta på temaet Fattig og rik. Heile gjengen var i gymsalen. Dei fleste fekk kvart sitt flatbrød medan nokre få fekk pizza, is og saft. Det er jo slik det er når me ser på verda utanfrå. Nokre få har mykje medan dei fleste har veldig lite.

Med bilete, som viser morgonstemning frå Sagvåg skule fredag 28.september kl 07:30, ynskjer me alle ein fin haustferie!

Onsdag hadde 4. steget ein lærerik dag på SIM sitt anlegg i Svartasmoget. Torleiv Agdestein viste oss rundt, og me fekk god greie på kvar alt avfallet vårt vert av. Elevane har fått god innføring i kjeldesortering, så heimane kan nok venta seg nokre miljødetektivar som snusar omkring. Fleire bilete>>

I dag har 2.steget hatt besøk av kunstnaren Stella East. Ho viste oss ein del bilete ho hadde laga sjølv. Ho lærte og elevane å blanda fargar og måla regnboge. De finn bilete av nokre av dei fine måleria elevane laga. Fleire bilete på sidene til 2.steget>> og 3.steget>>

Tysdag kjem biletkunstnaren Stella East til skulen vår. Det er elevane på 2. og 3.stegte som er så heldige å få arbeida saman med kunstnaren.

I dag var det første servering i elevkantina denne hausten. Elevane får i år servert pålegg og smør i porsjonspakningar akkurat som på hotell! Fleire bilete>>

Onsdag 19. september hadde 3. årssteget stasjonar. Elevane arbeidde med matematikk, høyrde om Pippi Langstrømpe på CD, skreiv i Fronter og spelte spel saman. Neste onsdag er det stasjonar att.  Fleire bilete på sida til 3.steget>>

1 steget var på kjøkenet og laga grønsaksuppe på måndag. Dei var flinke å kutta opp grønsaker og mest alle syntes at suppa var god ! Fleire bilete på sida til 1.steget>>

Elevane har arbeidd med båtane i K&H timane i fleire veker. Dei har gitt seg god tid med pussing og spikring og alle er veldig fornøgd med båten sin.  Fleire bilete>>

5. og 6. steget har i to veker hatt musikkstudentar på besøk. 5. har jobba med komponering og data, medan 6. steget har dansa jenka, linedans og kreativ dans. På fredag viste dei førstesteget kva dei hadde fått til, og det var ikkje lite. Dei var flinke!! Fleire bilete>>

Fredag markerte heile Sagvåg skule at leselystaksjonen er i gang frå måndag. Alle var samla i amfiet, og me song , høyrde opplesing og såg ein liten sketsj som nokre av gutane på 7. steget hadde laga. No gjeld det å lesa mykje, og å kosa seg med lesinga. Fleire bilete>>

Den første timen om fredagen har 1.steget musikk saman med rektor og Queensway. Sjølv om det nok er rektor som er flinkast til å spela gitar så er det Queensway som er mest populær. I dag hadde me først songstund i heimebasen, så var det songleik med Bro-bro-brille i musikkrommet, og heilt til slutt fekk me sjå danseshow med 6.steget i gymsalen.

Heile Sagvåg skule, utanom administrasjonen, var på ei fin tur til Botnavatnet i Fitjar. Svært mange greidde å koma seg heilt opp til vatnet. Det var stor aktivitet ved elva. Dei som ikkje gjekk heilt opp, fann seg ein fin stad der dei kunne sjå store delar av Fitjar og Bømlo. Det var fuktig i terrenget så det var mange fine søledammar å hoppa i...

 Fleire bilete her>>

FAU ynskjer ma. eit tettare samarbeid mellom Foreldremøta, FAU og Skulemiljøutvalet. For å koordinere dette arbeidet betre vil det frå no av bli 'FAU-tid' på alle foreldremøta slik at alle får høyra referat frå FAU og komma med framlegg til saker.
Du kan lesa referatet frå det siste møtet i FAU her>> 
Referet frå Skulemiljløutvalet>>

I dag har 1. og 2. steget vore på tur. I sol og regn laga me bål og steikte pinnebrød. Det smakte godt. Etterpå leika me litt i skogen, hadde songleikar og nokre plukka bjørnebær. På turen hadde me med oss studentar som hadde observasjonspraksis hos oss i dag. Me gler oss til dei kjem tilbake i oktober. Fleire bilete her>>

I dag vart det tilsett to nye gartnarar ved Sagvåg skule. Endre har vore gartnarar i over eitt år no, medan Jørgen og André vart tilsett i dag. Gartnarane har ansvar for å hjelpe til med å halda plantane inne og ute i god stand. Desse elevane har søkt på jobben og må gjere arbeidet på toppen av skulearbeidet.

Det var Ingvild som fekk den ledige stillinga som bibliotekar ved Sagvåg skule. Det var over ti søkjarar til stillinga, og mange av søkjerande hadde nok gjort ein god jobb, men det vart Ingvild som fekk jobben. Gratulerer!

1 steget har funne seg godt til rette på skulen no. Her er nokre bilete frå det me heldt på med på måndag. Me var på kunst og handtverksalen og snikkera, dei som hadde snikra før leika med Lego og indianarar. Etterpå åt me nista vår på på "kafe" nede.  Då var det godt å komma ut.  Å laga bokstaven O med eigen kropp var lett.  Me avslutta med norskgrupper. Fleire bilete her>>

Sagvåg skule og tre andre skular på Stord får tildelt heile 10.000 kroner frå DnB.
I brevet frå DnB står det m.a.:

Dette skreiv elevrådet i referatet 12.juni:

Idag var 7 og 2 steg saman. Det var stor aktivitet i ballbingen, mange teikna med kritt eller spela kubbespelet. Me hadde nokre kjekke timar. Fleire bilete på sidene til 2.steget>> og 7.steget>>

Onsdag 5. september var 4.steget på opplevingsdagar på Moster. Der møtte me vikingkongar og fekk høyra om korleis dei trudde jorda såg ut. Me lærde om kalksteingruvene på Moster, me lærte å lage teater og me fekk dansa. Til slutt såg me ei framsyning med klovnane Dill og Diger. Musikken til framsyninga vart spela på baljebass.

Takk til foreldra Svanhild, Bjarte, Veronica, Øystein og Marianne som køyrde oss, og var saman med oss heile dagen. Fleire bilete>>

Elevrådet
2007/08
4.september kl 13:25

Ny arkitektur
med 6.steget
4.september kl 20:45

Sjette steget var på ei utstilling om norsk samtidsarkitektur på Kulturhuset. Der fekk dei sjå bilete og modellar av ulike moderne bygg. Dei fekk og sjå korleis moderne arkitektur var med på knyta eldre bygg saman med nye. Gjenbruk av materialar fekk dei og sjå eksempel på. Etter all denne inspirasjonen fekk dei prøva seg som arkitektar ved å bygga hus i papir og ulike materialar. Arbeida blei til slutt stilt ut. Mange flotte og kreative bygg! Fleire bilete på nettsida vår>>

Val 2007 på
2.steget
3.september kl 15:30

På 2.steget arbeider me med demokrati og val. Alle fekk stemma i dag. Her er bilete frå valet, som sjølvsagt var hemmeleg>>

Sopptur med mellomsteget
30.august kl 21:10

Torsdag var 5, 6 og 7 steg var på tur. Me sykla til Nesskogen, og gjekk ein runde der. Me fann kantarellar og laga oss soppsuppe. Svært mange syntest at suppa var kjempegod! Fleire bilete på sidene til 5.steget>>, 6.steget>> og 7.steget>>

Flinke elevar på 5.steget hjalp rektor med å klargjere over 150 brev og kammar til alle elevane på Sagvåg skule. Alle elevane får kam og brev i ranselen på torsdag.
No oppfordrar me foreldra om å kontrollera om borna har lus. Me har ikkje fått melding om lus ved Sagvåg skule denne hausten, og kanskje kan denne aksjonen vere det som skal til for å unngå denne plaga i år. Les meir her>>

Så er det endeleg tid for First Lego League (FLL)! Denne hausten stiller Sagvåg skule med dette laget: (frå venstre) Mathilde Titland, Kristin Steinsland, Håkon Skogseide, Tore Hoff Edvardsen og Eirik Sætrevik. Her kan du lesa meir om FFL 2007>>
Vår Legoside finn du her>>

Elevane på 6.steget har vore samane med "fadderungane" dvs. elevane på 1.steget. Dei kosa eg saman, både i og utanfor sandkassen. Fleire bilete på sidene til 1.steget>> og 6.steget>>

5.steg var ute i naturfagtimen torsdag 23.8. Me fann mange ulike smådyr som me undersøkte etterpå. Fleire bilete>>

Medan elevane på 3. og 4.steget før fekk ein symjetime annakvar veke, vil dei dette skuleåret få to timar. For elevane på 2., 5. og 6.steget er tilbodet som før. Planen for symjeopplæring hausten 2007 finn du her>>

I dag har 1. og 2. steget vore på tur i det flotte sommarveret. Me åt nista vår, leika saman og me plukka mykje blåbær. Me hadde ein fin tur og vart betre kjende med kvarandre. Fleire bilete på sidene til 1.steget>> og 2.steget>>

Tekst: Anne Brit Holm
Foto: Liljan V. Waage