Det
går med store mengder varm kakao og ferske rundstykke under den
årlege julefrukosten for elevane ved Sagvåg skule.
Då dekkar me med langbord i gangane, og elevane forsyner seg
sjølve med rundstykke, pålegg og kakao.
Torsdag
19.desember var det tradisjonell juletregang og underhaldning frå
klassane i gymsalen ved Sagvåg skule. På biletet over er det
1.klasse som er i aksjon på scenen.
18.12.02 Ny
Sagvåg skule i Rukjen klar i 2004 eller 2005? - Torsdag
19.desember får me svaret...
Under
handsaminga av Økonomiplanen 2003-2006 i kommunestyret 19.desember
vert det avgjort om ny Sagvåg skule skal stå klar slik det er
planlagt i 2004, eller om framlegget til rådmannen om utsetjing til
2005 vert vedteke.
Møtet tek til kl 14:00
Slik
ser framlegget til framdriftsplan frå rådmann Martin Dahle ut: Overordna
framdriftsplan:
Med utgangspunkt i vedteken rammeløyving/økonomiplan
og vedtak i prosjektgruppa er følgjande framdrift lagt til grunn
for utbygging av Sagvåg skule:
a) Godkjenning forstudierapport – 27.02.01
b) Frist påmelding prosjektkonkurranse
01.03.01
c) Innlevering konkurranseforslag – 26.06.01
d) Jurykåring – 17.09.01
e) Oppstart forprosjekt – 09.10.01
f) Igongsetjingsvedtak – 05.11.02
g) Utsending anbud – juni 2003
h) Utvelging av utførande entreprenørar –
oktober 2003
i) Oppstart grunn- og betongarbeid – desember
2003 j)
Ferdigstilling – mars 2005
k) Innflytting – april 2005
Heile
skulen hadde juleverkstad tysdag 17.desember. Elevane vart
organiserte på tvers av klassane, og me hadde ein kjekk dag. Det
vart laga mange fine julegåver.
Den
andre gruppa av elevar i 1.- og 6.klasse hadde bakedag
12.desember. På heilesida til klassane finn de bilete frå
dagen.
Klikk
på bileta for å sjå større versjon:
10.12.02 Inneklimamåling
Luftkvaliteten
i Sagvåg skule er målt, og resultatet er at Sagvåg skule er
mellom dei skulane på Stord som ikkje har tilfredstillande
inneklima. Årsaka til dette er m.a. at skulen ikkje har
ventilasjonsanlegg.
I sak 02/02019-001 til Arbeidsmiljøutvalet i Stord kommune skriv
Kjell Nesbø:
Co2-nivået
ved Sagvåg, Hystad og Nysæter ungdomsskule viser for høge
verdiar.
[....]
Sagvåg skule får nybygg om nokre år, og det er difor ikkje
planlagt tiltak ved denne skulen.
10.12.02 Kryptisk
vedtak i formannskapet...
Budsjettmøtet
i kommunestyret 19.desember kan verta spanande for Sagvåg skule...
Årsaka er at Formannskapet 4.desember fatta dette vedtaket om
Sagvåg skule:
1.
Kommunestyret vedtek økonomiplan 2003 – 2006 og årsbudsjett
2003 med slike endringar/merknader:
[....]
Investeringsbudsjettet: a. Finansiering av
oppstart Sagvåg skule hausten 2004, må sjåast på i
samanheng med ny vurdering av ungdomsskulen/ Nordbygdo
ungdomsskule. Fullmakt til LEV om å gjera vedtak.
b. Nordbygdo
ungdomsskule
Kommunestyret bed om å få ei vurdering om å prioritera
nybygget, Nordbygdo ungdomsskule, framfor opprusting av Stord
ungdomsskule. Om det er mogeleg (at Stord ungdomsskule ikkje
driv på disp. av noko slag) bed kommunestyret om ei sak om
vidare utvikling og utbygging av ungdomsskulane i Stord. M.a.
må det vurderast om det vil løna seg med fleire parallellar
på Nordbygdo ungdomsskule, framfor omfattande opprusting av
Stord ungdomsskule. Sak om "ungdomsskule-framtida" må
verta lagt fram i god tid før budsjetthandsaminga for 2004.
Dette
tolkast til:
A) Ny Sagvåg skule bør utsetjast fordi pengane bør brukast til å
få fortgang i arbeidet med ny ungdomsskule i Nordbygdo ?
B) Ny Sagvåg skule kan bli ferdig før 2004, då ny ungdomsskule i
Nordbygdå kanskje vert utsett?
c) Ferdigstilling av ny Sagvåg skule kan utsetjast frå hausten
2004 til våren 2005
10.12.02 200
engasjerte foreldre
200
engasjerte foreldre møtte fram då Kommunalt foreldreutval (KFU)
innkalla til debattmøte om skulebudsjettet i går.
Ved
Sagvåg skule er med i full gang med å planlegga arbeidet for 2003,
me gjer oss også nokre tankar om skulen vår i perioden
2003-2006.
Nokre
av satsingane 2003 er:
a) Arbeid med ny skule i Rukjen
b) Satsing på systematisk kartlegging av kunnskapen til elevane
c) Satsing på basisfaga; norsk, matematikk og engelsk
d) LærerIKT (Datakurs for lærarane)
e) Trivsel og tryggleik (m.a. arbeid mot mobbing)
Elevar
frå 3. og 4.klasse ved Sagvåg skule var først ute med å
konstruera ein bil som dei også klarte å køyra.
Det vert først laga ein liten modell, deretter vert modellen sett
saman i full storleik.
Det
går med raske steg mot jul. Me har planane klare for alle dei
kjekke aktivitetane den siste veka. Vil mamma og/eller pappa vera
med på juleverksted ?
Fredag 6.desember får alle heimane dette informasjonsskrivet.
Onsdag
kveld hadde elevane i 5.klasse juleverkstad i gymsalen saman med
foreldra. Elevane hadde først underhaldningsinnslag for foreldra.
Etter maten var alle ivrige "lagarar" av julepynt. Korger
av papir kan vera vanskeleg å få til.
No
er julebaksten unnagjort i 1.- og 6.klasse. Onsdag 4.desember tok
6.klasse med seg fadderklassen sin på kjøkenet og laga peparkaker.
Sjå bilete frå bakedagen på heimesida til 1.klasse
eller 6.klasse
03.12.02 Rikskonsert
med futt og fart
Tysdag
3.desember hadde Sagvåg skule vitjing av Rikskonsertane. Det vart
ein flott konsert med afrikanske rytmar.
Tusen
takk til alle elevane ved Sagvåg skule for dei sju flotte rosene eg
fekk på 40-årsdagen min i dag!
Det var ei rose frå kvar klasse.
TUSEN
TAKK!
Med
helsing: Lars sjefen over
alle sjefar (ved Sagvåg skule)
01.12.02 Loppemarknad
og kafé i gymsalen
Torsdag
28.november hadde 3.- og 4.klasse lommemarknad og kafé for 1.- og
2.klasse.
Elevane selde sjølvlaga muffins, saft, brukte leiker, blad, bøker
og andre fine ting.
Pengane som me fekk inn skal gå til prosjektet til FORUT
på Sri Lanka.
På
den kommunale heimesida står det å lesa: Komité for levekår avgjer om det skal setjast i gang eit
prosjekt som skal gje betre fordeling av ressursar mellom
spesialundervisning og delingstimar i Stord-skulen.
I
omstillings- prosjektet "Stord'04" vart det i eit
arbeidsnotat gjort framlegg om å slå saman Nysæter barnehage og
Sagvåg skule til ei administrativ eining.
Når no gruppa har lagt fram endeleg rapport, viser det seg at det
ikkje vert noko av denne samanslåinga. Les også meir i Haugesunds
avis
Utdanningsdepartementet
skriv at den
første utgåva av
'Kvalitetsportalen' skal vera klar til skulestart 2003.
Frå våren
2004 vil resultat frå nasjonale fagtestar for dei ulike skulane i
landet bli lagt ut på Internett. Til venstre ser de eit utsnitt av
den svenske nettsida som publiserer resultat frå alle svenske
skular. Les
meir
20.11.02 Uteskule
1.- og 2.klasse
har hatt uteskule i Rukjen i dag. I det flotte haustveret leika me
og koste oss. På stormkjøkenet koka me kjempegod grønsaksuppe.
20.11.02 "Rusprat"
Tysdag
19.november inviterte Thomas Mikkelsen foreldra med barn i 7.klasse
til "Rusprat".
Han skriv m.a. i invitasjonen:
Alle 7. klassene i Stord kommune
vil etter nyttår gjennomføra førebyggingsprogrammet ”Ungdom og
alkohol” i skulen. I denne samanheng ynskjer me at de som
foreldre/føresette kan være med som samarbeidspartnarar og aktive samtalepartnarar
i prosjektet.
“Rusprat – om deg, dine barn og alkohol” er eit
samtaleprogram.
17.11.02 EGYPT
er tema i 5.klasse
God
stemning i 5.klasse under arbeidet med temaet "Egypt". Her
er elevane i full gang med arbeidet. Sjå
fleire bilete på heimesida til klassen
15.11.02 Endå
raskare Internett ved Sagvåg skule!
Stord
kommune har inngått avtale med BKK om breiband til ein del
kommunale bygg, m.a. Sagvåg skule.
Les
meir på heimesida til kommunen
Biletet:
Avtalen mellom Stord kommune og BKK Breiband vart underskriven
onsdag. F.v. pedagogisk IKT-rettleiar Gisle Østrem i Stord kommune,
seljar Torbjørn Enerstvedt frå BKK Breiband og IKT-leiar Birgit
Almås i Stord kommune. Foto: EML.
15.11.02 Sosial
samling i småskulen
Torsdag
14.november var det "Sosial samling" i gymsalen for
1.-4.klasse. Temaet for samlinga var "haust".
Elevane song, las dikt og dansa. Me hadde ei triveleg sund saman.
14.11.02 2.plass
til 2.klasse !!
2.klasse ved
Sagvåg skule kom på 2.plass i matpakkeveka 2002 for Hordaland.
Klassen får ein spanande utstyrspakke til verdi 1000 kroner!
Vinnarane
av Matpakkeveka 2002 Brødfakta 12.11.2002
Deltakinga under Matpakkeveka
som vart gjennomført i veke 43 har vore stor, og over 1400
skular har teke del. No er vinnarane kåra. Konkurransen gjekk
ut på å vere best i å ha sunne og trivelege skulemåltid.
Det er kåra to vinnarar i kvart fylke.
Flotte premiar Førstepremien som går til ei klasse i kvart fylke,
er 2000 kroner. Andrepremien er ein spanande utstyrspakke til
ein verdi av 1000 kroner. Pakken inneheld diverse utstyr som
skal lokke elevane til meir fysisk aktivitet på skulen.
- Det er strålande at så mange klassar fekk full pott i
konkurransen. Dette tolkar eg dit hen at både skulane og
elevane tek skulemåltidet og skulematen på alvor, seier
divisjonsdirektør i Sosial- og helsedirektoratet Gunn-Elin Aa
Bjørneboe. Ho vonar at Matpakkeveka medverkar til at folk
vert meir medvitne om at skulemåltidet er ein viktig del av
skulekvardagen.
Dei heldige vinnarane står oppført i tabellen nedanfor:
I
det siste møtet i elevrådet var ei av sakene eit ynskje frå
6.klasse om å få symjing i Kulturhuset ein gong i månaden slik
dei hadde før. Diverre måtte me ta bort dette tilbodet då me
ikkje hadde nok pengar til dette.
6.klasse får likevel symjing på Nysæter. 7.klasse får derimot
ikkje symje- undervisning dette året. Les heile referatet frå Elevrådet
her
Mest
alle dei tilsette ved Sagvåg skule var på kurs med "LærerIKT"
torsdag 7.november. Målet er at me skal bli endå flinkare til å
bruka IKT i undervisninga. Les
meir
Komité for levekår godkjente i går prosjektrapporten
for ny Sagvåg skule.
Det var også tverrpolitisk semje om at ei utsetjing av
ferdigstillinga av skulen frå august 2004 til april 2005 var lite
ynskjeleg.
Tysdag
5.novenber er ein historisk dag for Sagvåg skule.
Då skal Komité for levekår avgjera om det skal
byggjast ny Sagvåg skule i Rukjen.
Møtet tek til i rådhuset på Leirvik kl 14:00
Visste
du at Sagvåg skule har eit flott byggesett som fungerer slik at du
kan bygga deg ein bil i "full storleik". Først må du
laga ein liten modell, deretter kan du laga ein stor bil, eller
andre ting. Dette bør vera noko for alle som er teknisk
interesserte.
Ta
kontakt med klassestyraren din dersom du vil verta bilmekanikar ved
Sagvåg skule!
31.10.02 Klart
for vedtak
om ny Sagvåg skule i Rukjen
No
meiner rådmann, Martin Dahle, at planen for utbygging av ny Sagvåg
skule er så gjennomarbeidd at det er tid for politisk handsaming. I
saksutgreiinga går rådmannen inn for at skulen ikkje skal stå
klar før i mars 2005, ikkje til skulestart 2004, slik planen til no
har vore.
Konklusjon
Rådmannen meiner at framlagt forprosjektrapport med
supplerande opplysningar i saka, inneheld turvande
opplysningar for å kunna ta stode til det vidare arbeidet med
bygging av ny Sagvåg skule.
Avvik på
kostnadsramme i høve forstudierapport er fanga opp i budsjett
2003 og økonomiplan 2003-2006. Sjølv om det framleis er ein
viss usikkerhet knytt til dei samla prosjektkostnadane, slik
det går fram av risikovurderinga, vil rådmannen likevel rå
til at hovudprosjekt med detaljprosjektering vert sett i gang.
Rådmannen rår Levekårskomiteen til å gjera vedtek om at
bygging av ny Sagvåg skule vert sett i gong innanfor ei
kostnadsramme på kr 50,6 mill., slik det går fram av
premissane i saka.
30.10.02 Open
høyring om framlegg til budsjett 2003
Det
var Laila Støle som representerte foreldra i den opne høyringa om framlegget
frå rådmannen til budsjett 2003.
Bladet
Sunnhordland 30.10.02:
Utsett
i Sagvåg
Laila Støle representerte foreldra på Sagvåg skule og var
både overraska og skuffa over at den lenge etterlengta skulen
på ny er utsett.
- Me trur ikkje det vil løna seg å utsetja arbeidet med
skulen, sa Støle som peika på alle manglane ved den verkeleg
gamle Sagvåg skule, som branntilsynet har karakterisert som
ei brannfelle, og som har så dårleg toalettilhøva at borna
ventar med å gå på do til dei kjem heim.
Haugesunds
avis 30.10.02:
Ba
for borna
Laila Støle ser veldig alvorleg på skulesituajsonen i Sagvåg:
– Den gamle skulen er godkjend med mange atterhald, mest
fordi det skulle byggjast ny. Skulen er brannfarleg, det er
for liten plass og toaletttilhøva er elendige. Det hender at
borna ikkje orkar å gå på do når dei er på skulen. Hugs
at dei fleste av dykk gjekk til val på å byggje ny skule i
Sagvåg, sa ho.
Berit Wiersen, leiar i Komite for levekår, lova å ta med
alle innspela i den vidare budsjettbehandlinga og inviterte
publikum til å fylgje debattane.
29.10.02 Ressursbruk
i skulen
OECD-rapportar
er i vinden som aldri før. Dette er rapportar som m.a. seier noko
om ressursbruken i skulen. I den siste rapporten går det fram at
det er få land som har så få elevar pr. lærar som norske skular.
I Noreg har kvar lærar i gjennomsnitt ansvaret for 12,4
elevar. I gjennomsnitt for dei andre landa i rapporten er 17,7
elevar pr. lærar.
Ved Sagvåg skule er det 18,1 elevar pr. lærarstilling knytt
direkte til undervisning.
Det
er haust, og i uteområdet til Sagvåg skule er det mykje vatn å
leika med. Det er flott om alle har gode regnklede og støvlar på
slike dagar. Kanskje er også eit sokkabyte ein god ide!?
25.10.02 Koseleg
avslutning på matpakkeveka 2002
Fredag
vart "matpakkeveka 2002" avslutta med levande lys og
EKSTRA fine matpakkar.
Biletet her er henta frå 1.klasse.
Torsdag
24.oktober var undervisningsinspektør ved
Sagvåg skule, Kari Almås, på slottet saman med ektemannen, Rolf
Almås. Han mottok Kongens fortjeneste- medalje for arbeidet
han har gjort for musikklivet på Stord gjennom mange år.
Dette
stod å lesa i Haugesunds Avis 24.oktober. Årsaka til problemet er
m.a. at det ikkje er økonomi til å setja inn vikar når lærarar
er sjuke. Klassane får undervisning ved at ein omdisponerer ressursane,
ein nyttar m.a. timar som skulle vore brukt til spesialundervisning
til vikartimar.
Dette har alle skulane i Stord til felles. Heller ikkje ved Sagvåg
skule vert det sett inn vikar når lærarar er sjuke.
Klassestyrarane noterer kor mange timar spesialundervisning som på
denne måten fell bort. Spørsmålet er om skulen i neste omgang
klarer å betale "gjelda" til elevane som mister
timar.
Ved Sagvåg skule har organiseringa av skuledagen med kjernetid og
fleksitid gjeve større fleksibilitet, men mangelen på vikar er
likevel godt merkbar for dei tilsette. Ved utgangen av kalenderåret
har me oversikt over kor mange timar som har falle bort.
Invitasjon
til
opne møte i høve budsjettframlegget 2003
Stord
kommune ved Komite for levekår, Komite for miljø og kultur
og Komite for næring og utvikling inviterer privatpersonar,
lag og organisasjonar til opne møte i høve
budsjettframlegget 2003 for Stord kommune.
Møtetid:
Komite
for levekår
tysdag
29.10.02 kl. 18.00
Komite
for næring og utvikling
onsdag
30.10.02 kl. 18.00
Komite
for miljø og kultur
torsdag
31.10.02 kl. 18.00
Møtestad: Alle møta vert haldne i
Kommunestyresalen i Rådhuset på Leirvik.
Privatpersonar, lag- og organisasjonar som vil koma med
innlegg melder seg til Kundetorget,
tlf. 53 49 66 00.
Påmeldingsfrist kl. 13.00
same dagen som høyringa i den aktuelle komiteen.
Me ber Dykk levera innlegga skriftleg til møtesekretæren i
forkant av, eller etter, høyringa.
Alle er velkomne!
Frå
2001: SUNNHORDLAND: Må ha auka rammer I
bladet Sunnhordland vart det 8.november referert frå møtet
i Levekårskommiteen: HER
FINN DU SAKSPAPIRA FRÅ MØTET>>
-Alt vert dyrare når det vert utsett. Me kan ikkje utsetje
bygging av Sagvåg skule endå eit halvt år. Det kan me
ikkje utsetja innbyggarane for. Og det vil gå ut over vårt
truverde som politikarar, sa Heine Kaldefoss.
Levekårskomiteen vedtok til slutt samrøystes å gje uttale
til økonomiplanen ved å peika på fleire av områda som
dei er urolege for.
Frå den opne
høyringa 5.desember 2001: Laila Støle, FAU ved Sagvåg
skule:
- Har politikarane samvit til å utsetja byggjinga av Rukjen
skule endå eit halvt år? Det er ikkje særleg lurt. Bygget
lever alt på overtid, og all erfaring viser at det vert
dyrare å byggja for kvart år som går.
24.10.02 Utfordringar
i 2.klasse
Elevane
i 2.klasse har har i ein periode arbeidd med matematikk på ulike
stasjonar. På ein av stasjonane skal elevane laga system for å
finna ut kor mange kongler det er i øskja.... Inga lett
oppgåve....
21.10.02
21.-25.oktober
er det matpakkeveka 2002. I
løpet av denne veka kjem klassane til å gjera det ekstra koseleg i
matpausen.
I fjor gjorde Sagvåg skule det svært godt i
"matpakkekonkurransen" fordi mest alle elevane hadde
matpakke, mjølk og frukt på skulen.
Det er flott!
18.10.02 Framlegget
frå rådmannen til budsjett 2003 er klart
I
dag la rådmann Martin Dale fram framlegget til budsjett for 2003. Om Sagvåg skule står det m.a.:
Sagvåg
skule Det er gjennomført
prosjektkonkurranse for utbygginga for ny skule i Sagvåg, og
forprosjektrapport er ferdig oktober 2002.
Kostnadsramme justert til kr 50,6 mill (6.1 %).
Løyvinga inngår i felleskonto for skuleutbyggingar. For 2003
er det lagt inn 3. mill kr.
Det er planlagt byggjestart hausten/vinteren 2003/2004 og
ferdigstilling 2005.
15.10.02 Snart
trygg skuleveg for elevane frå Dybvik og Bjønvik
I
heile haust har me venta på at undergangen ved Nysætervegen skal
bli klar.
Statens vegvesen opplyser at finansieringa er på plass, men
godkjenninga av planane har teke litt tid. Undergangen skal likevel
vera klar i løpet av hausten.
Då vil endeleg elevane frå Dybvik og Bjønvik ha trygg skuleveg.
14.10.02 Vedlikehald
av Sagvåg skule
Det
er Leif Rune Gravdal som er vaktmeisteren vår, og det er som oftast
han som tek seg av vedlikehaldet av skulen.
Det er fint om de melder frå til rektor dersom de finn noko som
treng reperasjon.
- grunnskulane i
Stord har haustferie 9.-11.oktober
07.10.02
Verkstad i 1.-
og 2.klasse
I
fire veker skal 1.- og 2.klasse ha verkstad saman om
måndagane.
Då deler me klassane i grupper. Elevane arbeider på fire
stasjonar:
1. Klossegruppe
2. Leiregruppe
3. Mjuke materiale
4. Harde materiale
Elevane storkosar seg når me arbeider på denne måten.
Med
god hjelp frå Arild og Laila fekk elevar frå 4. og 7.klasse på
plass lavvuen igjen.
No vert det opp til klassene kor mykje lavvuen skal bli brukt utover
hauste.
GOD
TUR!
02.10.02
Kjekk
aktivitetsdag
Det
vart ein kjekk aktivitetsdag på den flotte og nye Nysæterbanen for
elevane ved Sagvåg skule.
Dagen vart avslutta med fotballkampar.
Her er resultata:
2.kl
mot 3.kl 1-15
4.kl mot 5.kl 0-3
6.kl mot 7.kl 2-3
Det
vert aktivitetsdag for alle elevane ved Sagvåg skule onsdag
2.oktober på Nysæterbanen. Alle elevane møter på skulen til
vanleg tid.
Nysæterbanen har vore under "oppussing". Sist going me
hadde aktivitetsdag var 30.mai 2001.
HSH-studentane finn oppsette for dagen i
Eitt
av framlegga i "Stord-04" er at Sagvåg skule og Nysæter
barnehage ei "eining" med felles administrasjon. I
framlegg 2 held Sagvåg skule fram som eigne einingar.
Framlegg
til ny einingsinndeling på høyring Talet
på tenesteeiningar
i Stord kommune kan verta redusert frå dagens 37 til ein
stad mellom 24 og 33. Det går fram av eit dokument som no
vert sendt på høyring.
I
veke 40 (30/9-4/10) har høgskulestudentane "våre"
praksis ved Sagvåg skule. Mange av klassene vil få vitjing av
studentane frå Høgskulen Stord/Haugesund (HSH) Les meir
Desse bileta vart tekne då
studentane var på vitjing 3.september.
26.09.02
3.-og 4.klasse
til Rukjen
Klassane
ved Sagvåg skule har vore flinke til å nytta området i Rukjen etter at
det vart bestemt at det er her den nye skulen
skal byggast.
Her er det elevane i 3.-
og 4.klasse som har uteskule på tomta til den nye Sagvåg skule.
Grunnskulane
i Stord har eit godt samarbeid med folkebiblioteket, og elevane ved
Sagvåg skule har også i haust vore på vitjing til
bibliotekfilialen på Litlabø.
Her er det 2.klasse som får oppleva eventyrstund med Kari Bolette
Lundal
Frå: "Elevene
kan faktisk selv bestemme hva de vil lære og når de vil lære.
Forutsetningen for det er selvsagt at skolen er klasseløs. Men hver
enkelt elev må selv ta ansvar for sin egen læring og avtale med lærer
om hvordan man tenker legge opp sin arbeidsplan. Når Tor velger å
være ute og bygge i sandkassa hver dag en hel uke, må han selv
finne ut hvordan han skal ta igjen litt mer teoretisk læring. Men
det kommer når han får lyst. Lyst er en fantastisk drivkraft når
man skal lære noe. Den utnyttes til fulle på Friskolan i Säffle."
No
kan du sjå resultatet av arbeidet med teamet "Berre
søppel?" i 4.klasse.
Søppel som elevane fann langs vegen frå Sagvåg sentrum til skulen
er blitt til flott kunst!
I Bergen har foreldre
blitt bedne om å vera med som ekstralærarar i heimkunnskap og
kunst og handverk.
NRK
skriv m.a.: Clemet
positiv
Hun mener alternativet er større klasser og hun presiserer at
ordningen er frivillig. Men Daghild Alvestad syns likevel ikke det
er en god ordning.
- Grunnen til at vi gjør det er jo at vi ser at det tilbudet barna
våre får på skolen ikke er så godt som vi ønsker at det skal være.
Utdanningsminister Kristin Clemet er positiv til et slikt samarbeid.
Men hun understreker at foreldrene ikke å være en erstatning fordi
skolen ikke har råd til å gi undervisning på annen måte.
4.klasse
har nettopp starta med nytt tema: "Berre søppel?"
Me innleia med å gå ein tur til Sagvåg for å sjå kva me fann
langs vegen, og det var ikkje lite! Me skal bruka noko av det me
fann til å laga "søppekunst". Sjå fleire bilete på
heimesida vår>>
Her er elevane i full gang med
eit forsøk med reinsing av vatn.
Sjå meir på heimesida til 7.klasse>>
19.09.02
Sentralisering
av skuledrift
Eitt av måla med prosjekteter
å oppnå meir effektiv skuledrift m.a. med felles administrasjon
for fleire skular og barnehagar. Dette vert utprøvd i fleire norske
kommunar. På
heimesida til Kommunal rapport står det m.a.: For
40 år siden la Hof ned alle grendeskolene sine. Det er
kommunepolitikerne godt fornøyd med i dag. Kommunen trenger bare
èn skole, og den kan man dytte opptil 650 elever inn i, mener rådmann
Erik Furevik.
Eit
utval har foreslått å overføra ansvaret for grunnskulane frå
kommunane til staten. Les
meir her>>
18.09.02 Skulekutt
Mest halvparten av kommunane
planlegg kutt i undervisnings- tilboda for det neste året skriv
NRK.
Stord kommune er med andre ord ikkje aleine om å planlegge
innsparing i skulesektoren. Les meir om framlegga til innsparingane
i prosjektet Stord'04her>>
Dette
skuleåret er mange av dei tilsette ved Sagvåg skule med i den
nasjonale storsatsinga som tek sikte på å heve IKT-kompetansen hos
dei tilsette i skulen i Noreg.
16.09.02
Felles
administrasjon for 2 barnehagar og 3 grunnskular i Sagvåg?
I
bladet "Sunnhordland" kunne me i dag lesa at: "..kommunen
vil vurdera om ein kan spara inn på administrasjon, ved at det i
området rundt Sagvåg blir samla all leiing og økonomistyring for
tre skular og to barnehagar i eitt senter. Det er planar om å
oppretta dette senteret i ny Sagvåg skule i Rukjen."
Det står ingenting i avisa om
kva skular og barnehagar det her vert sikta til, men då det berre
er nemnt to barnehagar er det naturleg å tenkja seg at
Tjødnalio barnehage og Tjødnalio skule er haldne utanfor. Det kan
henda at planen då er felles administrasjon for:
Nysæter ungdomsskule + Litlabø skule + Sagvåg skule + Nysæter
barnehage + Litlabø barnehagen. (?)
Det første store temaet for
5.klasse denne hausten har vore "skogen". Tidlegare i
haust var klassen til Utslettefjellet for å studera korleis det har
godt med skogen der ti år etter den store brannen.
Kari og Anne Elisabeth skriv dette om den siste turen klassen hadde: 12.
september var 5.klasse på tur i trollskogen på Nes. Elevane
storkosa seg i skogen. Me fann sopp og ulike treslag.
Også denne hausten har 1.klassingane fått refleksvestar av Foreldra
sitt arbeidsutval (FAU).
Bruk dei til og frå skulen, og når de er ute og leikar no når det
vert mørkare om kvelden!
12.09.02
Ein fin
sommarkveld i september...
... inviterte Laila alle tilsette ved Sagvåg skule til Halsnøy på
"rekeaften". Det vart ein koseleg sommarkveld i
september...
12.09.02
Skepsis til
privatskule
Fleirtalet i Komité for levekår fryktar langvarig svekking av økonomien
i den allmenne skulen på Stord dersom den privateigde Alba-skulen får
etablera seg i kommunen.
Dei fleste
grunnskulane på Stord presenterer seg no på Internett.
Her finn du alle skulane som har eigne nettsider:
06.09.02
Informasjonsmøte
om Jensanesvegen
Stord
kommune inviterer grunneigarar og andre interesserte til
informasjonsmøte om arbeidet med ny reguleringsplan for
Jensanesvegen. Møtet finn stad på Sagvåg
skule onsdag 11. september kl. 18.00
Bilete frå arbeidet med
riksveg 545
Ove Kvalnes
einingsleiar
06.09.02
Tur til Rukjen
med Arild
Torsdag
5.september
var Jørgen, Håkon, Jonny og Morten saman med Arild Båtsvik til
Rukjen.
Sagvåg skule har som mål å ta området i Rukjen aktivt i bruk
fram til ny skule står klar hausten 2004.
Her er dei samla
rundt stormkjøkenet>>
Klikk på bileta for
å sjå større versjon:
05.09.02
Eplekakebaking
i 1.-og 6.klasse
Onsdag 4.september
var det bakedag i 1.-og 6.klasse. 6.klassingane er fadrar for
1.klasse, så desse to klassane er allereie blitt godtkjente med
kvarandre. Du finn fleire bilete frå bakedagen på heimesida til 1.klasse>>
og 6.klasse>>
04.09.02
Samordning av barnehagar og skular i Sagvåg?
I
ein artikkel i Haugesunds avis 4.september, står det at det er planar om å gjera endringar i skule- og
barnehagestrukturen i Sagvåg.
Kva konsekvensar
dette vil få for administrasjonen ved barnehagane og skulane, veit
me førebels lite om. Men med krav om reduksjon på 20 årsverk
innan 01.01.03, og ytterlegare 20 årsverk innan 01.07.03 seier det seg
sjølv at dette vert merkbare endringar.
-rektor-
[...] Etter det Haugesunds Avis forstår kan en ny enhet for skole
og barnehage kan bli opprettet i Sagvåg-området. Litlabø skule og
barnehage ligger like ved hverandre. Hvis femte, sjette og
sjuendeklasse flyttes over til den nye Sagvåg skule i Rukjen, blir
det mulig å overføre barnehagen til grunnskolen og således spare
litt på administrasjon.
- Slike forslag er blitt diskutert i styringsgruppen, bekrefter
kommunalsjef Atle Bjørn Mæhle, som er leder for det store
omstillingsprosjektet som er under utredning i Stord kommune.
[....]
Tanken er å spare på
administrativt og merkantilt arbeid. Lederstillinger og
fagstillinger blir trolig også rammet. Til sammen 40 årsverk skal
spares inn, helst gjennom effektivisering ved å utvikle
IKT-systemet og omstrukturering - men uten oppsigelser.
- Vi har ingen konklusjoner klare. Det har vært diskusjon i gruppen
om å samle barneskoler og nærliggende barnehager, men vi har hatt
oppe veldig mange forslag, sier Mæhle.[...]
Tysdag 3.august fekk Sagvåg
skule vitjing av lærarskulestudentane som skal ha praksisen sin ved
Sagvåg skule dei neste to åra. Måndag 30.september kjem dei
tilbake får å ha den første praksisveka.
Studentane er delte i to grupper. Den eine gruppa er det Gro Akselsen
Halvorsen som har ansvaret for, denne gruppa skal vera i 1.-4.klasse.
For den andre gruppa er det Toril Bruket som er praksislærar. Desse studentane
skal vera i 5.-7.klasse i perioden.
03.09.02
5.klasse på
"ekspedisjon" til Utslettefjellet
I det suraste véret me har hatt
denne hausten drog 5.klasse den 29.august på ein frisk
"ekspedisjon" til Utslettefjellet.
No er det ti år sidan den store brannen på fjellet, men dei såg
framleis dei brende trea.
Sjå fleire bilete frå turen på heimesida til 5.klasse>>
No er temaplanane
til 4.klasse oppdaterte heilt fram til jul.
På heimesida til klassen finn du no mykje spanande stoff som er
tema for klassesteget.
Etter kvart vert også årsplanane for dei andre klassane
oppdaterte.
Ingen av skulane frå Stord
nådde opp i konkurransen om å bli "Bonusskule". UFD*
har
plukka ut 92 skular mellom dei 655 skulane som søkte. Desse skulane
fekk kvar kr 50.000,- til utviklingsarbeid. Tjødnalio skule søkte
også om å bli "Demonstrasjonsskule", med nådde heller
ikkje opp her. "Demonstrasjonsskulane" fekk kr 500.000 i
tilskot i to år. Du
finn heile oversikta over bonusskular her>>
Som de sikkert har lese, slit
Kommune-Noreg økonomisk og Stord kommune er mellom dei kommunane
som har store problem med å få endane til å møtast.
Til "Sunnhordland" 19/8-02 uttaler Rådmann Martin
Dahle m.a.: "No må me sjå på
den kommunale organiseringa, vurdera meir eksternt tenesteinnkjøp
framfor eigen produksjon og eventuelt
utsetja planlagde investeringar."(Mi
understreking, L.B.)
Dette kan tyda på at med ny skule i Rukjen kan verta utsett.
Saka skal opp til handsaming i kommunestyret i september. Etter den
gjeldande planen tek gravearbeidet til i Rukjen sommaren 2003, og ny
skule skal stå klar til innflytting hausten 2004. Spørsmålet er
no om vanskeleg kommuneøkonomi kan føra til at prosjektet vert
utsett……
Det vert sendt ut eige info-skriv til heimen om kva
kommuneøkonomien får å seie for Sagvåg skule.
Lars Bakka
-rektor-
09.08.02
Framleis farleg skuleveg
Sykkelstien langs riksveg 545 er endå ikkje heilt ferdig. Fram
til undergangen ved avkjørselen til Utslettevegen er på plass
vil elevane frå Dybvik og Bjønnvik få gratis skuleskyss på grunn
av farleg skuleveg. Her finn du bussrutene>>
09.08.02
Første skuledag er torsdag 15.august Denne
dagen tek elevane i 5.- 6. og 7.klasse til kl 09:00, medan elevane i
1.-2.-3. og 4.klasse tek til kl 09:30
SFO er open som vanleg frå kl 07:15
09.08.02 Fiks ferdig I
sommar vart også tårnet på Sagvåg skule malt. No er heile
skulen okerfarga og fin, og klar til å ta imot elevane til eit nytt
skuleår.
Skuleåret 2002/03 vert det nest siste skuleåret for bygningen frå
1939. Hausten 2004 flyttar me etter planen inn i ny skule i Rukjen.
Informasjon frå Sagvåg skule hausten
2002: 
1.+6.klasse=
KJEMPEKJEKT!
12.09.02
12.09.02
06.09.02
05.09.02
03.09.02
03.09.02
28.08.02
22.08.02
09.08.02
Første skuledag er torsdag 15.august
Fiks ferdig
Under
handsaminga av Økonomiplanen 2003-2006 i kommunestyret 19.desember
vert det avgjort om ny Sagvåg skule skal stå klar slik det er
planlagt i 2004, eller om framlegget til rådmannen om utsetjing til
2005 vert vedteke.
Inneklimamåling
200
engasjerte foreldre møtte fram då Kommunalt foreldreutval (KFU)
innkalla til debattmøte om skulebudsjettet i går. 
jul_02.doc
På
den kommunale heimesida står det å lesa:
6.klasse
vil ha symjing i Kulturhuset
Ein
historisk dag 
Konklusjon
Utsett
i Sagvåg
Ba
for borna
Dette
stod å lesa i Haugesunds Avis 24.oktober. Årsaka til problemet er
m.a. at det ikkje er økonomi til å setja inn vikar når lærarar
er sjuke. 
Invitasjon
til
"Elevene
kan faktisk selv bestemme hva de vil lære og når de vil lære.
Forutsetningen for det er selvsagt at skolen er klasseløs. Men hver
enkelt elev må selv ta ansvar for sin egen læring og avtale med lærer
om hvordan man tenker legge opp sin arbeidsplan. Når Tor velger å
være ute og bygge i sandkassa hver dag en hel uke, må han selv
finne ut hvordan han skal ta igjen litt mer teoretisk læring. Men
det kommer når han får lyst. Lyst er en fantastisk drivkraft når
man skal lære noe. Den utnyttes til fulle på Friskolan i Säffle."
<<Les
heile artikkelen i Sunnhordland her
Heile
referatet frå møtet i Komité for levekår 10.september>>
I
ein artikkel i Haugesunds avis 4.september, står det at det er planar om å gjera endringar i skule- og
barnehagestrukturen i Sagvåg. 
Her
er ein førebels plan for samarbeidet mellom HSH og Sagvåg
skule 2002/03>>
Angrar
du på at du ikkje tinga skulefrukt, eller mjølk. Det er ikkje for
seint. 
Les
skulehistoria vår her>>