Arkivet 1998

Arkivet 1998/99

Infohefte 1998.pdf

7.juni 1999
Sommarfesten-99
Tysdag 15.juni er det sommarfest ved Sagvåg skule! Alle er velkomne, det vert Grand Prix- framføring av elevane, og mykje anna kjekt. Festen tek til kl 17.30 og vert avslutta kl 19.30
Arrangementet vert gjennomført uansett ver. Ute i finver, og inne i gymsalen og klasseromma dersom det vert regn.

1.juni 1999
Nye læremiddel
Skulen planlegg no innkjøp av nye læremiddel, m.a. lærebøker til 4.- og 7.klasse. Her finn du ei oversikt over læremiddel som er godkjent etter L 97.
Dersom du vil lese om prinsippa som ligg til grunn for våre val finn du meir informasjon om dette i planen "Innføring av L97 ved Sagvåg skule"

30.mai 1999
På tur
Tidleg i mai var me på tur med Litlabø skule. Her er eit bilete av dei sprekaste elvane på den høgaste toppen.

13.mai 1999
Alle får plass!
Alle som har søkt, får plass i skulefritidsordninga det neste skuleåret. For etternølarar er det framleis nokre plassar ledige.
Det kjem snart ei eiga side med meir informasjon om SFO ved Sagvåg skule.

1.mai 1999
Skulebiblioteket på data
No er det snart tid for opning av skulebiblioteket. Det har vore stengt ei tid fordi alle bøkene i biblioteket er blitt registrert på data. Det er Annbjørg Luggenes og Olaug S. Imsland som har gjort dette omfattande arbeidet. Bøkene vert registrert for at elevane skal kunna låna dei ved hjelp av eit elektronisk utlånssystemet. Ein skal også kunna søka etter dei bøkene me har i biblioteket via skulen sitt intranett. Du kan lesa meir om planen for i Bibliotekplanen vår.

23.april 1999
Fokus på midttimen
Etter jul har me sett fokus på bruken av midttimen. Dette vert gjort for at midttimen skal bli kjekkare, og for at det skal bli mindre erting og mobbing ved skulen vår. Eit av tiltaka her vore at elevane får bruka fleire rom der det er lov til å driva med mange ulike aktivitetar. Du kan lesa meir om fordelinga av rom her.
Arbeidet med å gjera det kjekkare på skulen er ein del av arbeidet med Trivsel & Tryggleik. Dette er eit satsingsområde for alle grunnskulane i Stord, også for oss. Her kan du lesa alt om dette arbeidet.

30.01.99
Langeland skule på Internett
Også Langeland skule har no fått heimeside på Internett. Du finn sida her

29.01.99
Riksvegen forbi den nye Sagvåg skule
Kommunestyret har slutta seg til prosjektet med opprusting av riksvegen mellom Sagvåg og flyplassen. SIM forskotterer pengane som trengs. Dette er endå eit steg i tett retning for ny Sagvåg skule i Rukjen.

02.11.98
Grunnskuleveka-98
Veke 45 er "Grunnskuleveka", og dei fleste skulane i landet har ulike aktivitetar knytt til ulike tema. Hovudtemaet i år er kulturmønstringa "DU STORE VERDA!".
Ved Sagvåg skule satsa me i år på TV-aksjonen. Grunnskuleveka vart difor ikkje markert ved Sagvåg skule dette året.
Les meir om Grunnskuleveka-98 her:

02.11.98
"Kabling" av Sagvåg skule.
I dag gjorde Telenor seg ferdige med "kablinga" av skulen. Då er 5.-6. og 7.klasse klare for internt nettverk, og Internett. Det einaste som manglar er serveren som me håper at skal komme før jul. Også biblioteket, administrasjonen og maskinen på personalrommet er ein del av nettverket.

01.11.98
Litlabø skule på Internett
Litlabø skule har lagt ut eiga heimeside, adressa er http://home.sol.no/~slitlabo/

19.10.98
Aksjon "Trygg skuleveg'98" 19.-24.okt!
Denne veka har Sagvåg skule AKSJON SKULEVEG'98. Alle elevane får refleks og elevane i 4.-7.klasse har fått bodstikker. Me arbeider med å skaffe bodstikker til 1.-2. og 3.klasse også.

16.10.98 kl 15.00
Over 15.000 kroner til TV-aksjonen!
Det kom inn over 15.000 kroner til TV-aksjonen under "open skule" i går!
Takk for innsatsen!!

15.10.98 kl 18.00
Det vert ny skule i Rukjen!
I ettermiddag vedtok kommunestyret tilrådinga frå levekårskomiteen om at Sagvåg skule skal vera den første nye skulen som vert bygd i Stord kommune.
Arbeidet med ny skule i Rukjen heng sjølvsagt også saman med byggjefeltet og utbetringa av riksvegen. Dette siste vart også understreka av administrasjonssjefen i kommunestyremøtet.
Sjølv om mykje arbeid står att før me kan flytte frå gamle Sagvåg skule er 15.oktober 1998 ein viktig dag i historia til skulen vår!

13.10.98 kl 15.30
Ny skule i Rukjen i kommunestyret 15.10.98
Torsdag 15.oktober kl.16.00 avgjer kommunestyret om ny Sagvåg skule i Rukjen skal stå på førsteplass på lista over nye skulebygg i Stord. Handsaminga av Skulebruksplanen 1998-2009 er sak nr 4 i møtet.

07.10.98 kl 15.30
TV-aksjonen'98
Elevane ved Sagvåg skule er med på TV-aksjonen'98! Det vert open skule torsdag 15.oktober frå kl 10.00-12.00. Resten av veka kjem også elevane til å arbeide med ulike aktivitetar knytt til aksjonen, m.a. kjem 5.-6. og 7.klasse til å arbeide i grupper på tvers av klassane.
Det kjem også eige skriv til kvar heim om aksjonen

01.10.98 kl 16.00
Ny skule i Rukjen!
Ein samrøystes levekårskomité vedtok i dag kl 15.30 i ei innstilling til kommunestyret at ny skule i Rukjen skulle prioriterast på første plass over nye skular i Stord.
Då skal det mykje til for at kommunestyret gjer om vedtaket etter som innstillinga frå LEV er samrøystes. 1.oktober 1998 vert ståande som ein merkedag i arbeidet med ny skule i Sagvåg!
Saka kjem kanskje opp i kommunestyret 15.oktober…

29.09.98 kl 20.00
Nye Trivselsreglar for skulen vår
SU fatta i dag vedtak om at elevane som får sykle til skulen MÅ bruke hjelm!
Det var ei endring av den gamle regelen der det stod at "ein sjølvsagt bruker hjelm".