1. å r s s t e g (sag08)  2 0 0 8/0 9        Tilbakeblikk

Kontaktlærar>>


Publisert: Tysdag 19.mai 2009 kl 16:30

Treet vårt

Då me på 1. steget såg om treet vårt i dag, hadde det fått ei mengd med store blad. Det hadde tålt vinteren godt. Det var kjekt å leika litt i skogen og.

Tekst og foto: Kari Almås

Til Mosahaugen
 Publisert :Onsdag 30.april 2009 kl 13:00

Torsdag 30. april brukte 1. steget finveret til å gå tur. Først gjekk me til Mosahaugen for å sjå kor Casper bur. Der såg me og der det hadde brent på julafta.

Så gjekk me til Nysætervegen der Lina bur. Der åt me maten vår og leika litt.

Tekst og foto: Kari Almås

 

Kjekk matematikkdag for småskulen!
 Publisert :Onsdag 29.april 2009 kl 08:30

Tysdag 28. april hadde me ein flott matematikk- dag. Me hadde aldersblanda grupper og alle aktivitetane gjekk føre seg ute. Elevane var aktive og koste seg i det fine veret. Fleire bilete>>

Tekst og bilete: lærarane

 

Publisert :Onsdag 22.april 2009 kl 16:00

Ute i våren

Utanfor formingsrommet såg me så flotte liljer i dag. Me måtte ut og ta bilete saman med dei.

Tekst &  foto: Kari Almås

Publisert : Torsdag 2.april kl 15:10

Påskeaktivitetar i småskulen

Den siste veka har småskulen hatt påskeaktivitetar med aldersblanda grupper. Her kjem nokre bilete frå dei ulike gruppene. Fleire bilete>>

Tekst og bilete: Lærarane i småskulen

 

(Klikk på biletet for å sjå større versjon>>)

Publisert : Tysdag 24.mars 2009 kl 16:00

Vår!

I. årssteget har vore ute og sett kor langt våren er kommen. Krokusbedet vårt er veldig fint. Der var det fleire bier som summa ikring.

Tekst & foto: Kari Almås

 

Publisert : Onsdag 25.februar kl 10:45

'Galleri Sagvåg skule'

I desse dagar har Sagvåg skule ei flott Munch-utstilling som me har fått låne av 'Kunst i skulen'. Her er det nokre av elevane på første steget som får sjå bileta. Les meir om utstillinga her>>

Tekst & foto: Lars Bakka 

 

Publisert : Fredag 20.februar kl 11:45

Tema samling

Alf Prøysen var tema for samlinga 1. til 4.steget hadde i amfiet i dag. Songar og teaterstykke av Alf Prøysen vart framført av elevane i løpet av den timen framsyninga varte. Fleire bilete>>

Tekst : Lars Bakka   Foto: Lars Bakka

 

Publisert : Fredag 20.februar kl 11:45

Kapteinar på 1.steget

Fleire gonger denne hausten har me leika 'Titanic' i gymmen på 1.steget. Ved hjelp av slengtaua skal elevane då hjelpe kvarande frå den eine matta til den andre før båten går ned. Med ekte kapteinslue vert det stil over redningsaksjonen!

Tekst & foto: Lars Bakka

(Klikk på biletet for større versjon!)

 
 

Publisert : Torsdag 12.februar kl 09:00

Uvanleg start på skuledagen

Bål og varm kakao i skogen var det som møtte elevane på småskulen i dag. Elevane såg ut til å kosa seg i det fine vinterveret. Dette var ei kjekk overrasking, var det mange som sa.

Tekst & foto: Brita Flatøy

 


Publisert : Tysdag 10.februar kl 13:25

Akedag

I dag, 10. februar, har 1. årsteget saman med fadrane sine hatt akedag. Me har vore i Øystein Dybvik sine bakkar og aka.

Me har kost oss, både store og små. Eit fantastisk ver har me og hatt.

Tekst og foto: Kari Almås

Publisert : Fredag6.februar kl 14:40

Leik i snøen

Kvar fredag har 1. og 2. steget leikegrupper på slutten av dagen. I dag var det ekstra kjekt å leika fordi me kunne vera ute i snøen. Det var full fart i akebakken og nokre laga snømenn.

Tekst og foto: Anne Brit Holm
 

Publisert : Onsdag 4.februar kl 13:55

Fløytelåt

Onsdag 4. februar hadde me besøk av rikskonsertane med ein kjekk konsert. Den heitte "Fløytelåt". Me fekk høyre musikk som var laga fleire hundre år sidan, og musikk som er laga på vår tid. Dei spelte på ulike blokkfløyter og på gitar. Fleire bilete>>

TURNÉ: Fløytelåt (2009 vår)  MED: Anette Bjørnenak og Gjermund Fredheim

Tekst & foto: Kari Almås

Publisert : Fredag 30.januar kl 13:40

Søppelplukking

Me likar å ha det ryddig ute, men jammen finn me mykje rart.

Tekst & foto: Kari Almås


Onsdag 7.januar 2009 kl 08:30

Innepause

Når veret er slik at me ikkje kan gå ut og lufta oss utan at me vert gjennomvåte, må me finna på noko inne.

Aktiviteten var stor i pausen tysdag 6. januar.

Tekst & foto : Kari Almås

 

 
 

Måndag 15.desember 2008 kl 13:42
Julepynt og graut

1. og 6.steget har laga julepynt og ete graut i lag i dag. Koseleg og kjekt.

Tekst og foto: Egil Petterteig

 

 

Fredag  12.desember 2008 kl 10:10
Lucia og adventsamling

I dag var det 1. og 6.steget som hadde ansvaret for adventsamlinga. 1.steget gjekk også Lucia til alle årsstega. Fleire bilete>>

Tekst og foto: Lars Bakka
 Nissemarsj
 
Torsdag  11.desember 2008 kl 09:30

Bladet Sunnhordland var til stades og laga reportasje då elevrådet arrangerte nissemarsj i nydeleg vintervér i dag tidleg.

 Fleire bilete frå nissemarsjen finn du her>>

Tekst og foto: Lars Bakka

 
 Julebakst på 1.steget
Torsdag  11.desember 2008 kl 08:30

Elevane på 1. steget var på Almås og hadde juleverkstad. Me laga nissar, baka julemenn og laga mange ting i papir.

Ein travel og koseleg dag.

Tekst og foto: Kari Almås
 

Publisert: Tysdag 18.november 2008 kl 12:30

Tysdag 18. november arbeider heile 1. steget med data. Me har oppgåver i norsk og matematikk. Då er det godt å ha fadrane som kan hjelpa oss nå me har behov for det. Fleire bilete på sidene til 1.st og 6.st

Tekst & foto: Kari Almås

 
 

Publisert: Torsdag 6.november kl 10:40

Onsdag var 1. og 2.steget på tur i det fine veret. Me hadde ei kjekk stund saman. Me leika mykje og me fekk ei kjempegod tomatsuppe. Fleire bilete på sidene til 1.steget og 2.steget

Tekst & foto: Anne Brit Holm

Publisert: Måndag 3.november kl 14:20

Desse farlege trolla skal 1. steget selja når me har open dag.

Tekst & foto: Kari Almås

 

Publisert: Tysdag 28.oktober kl 16:15

I dag har småskulesteget hatt samling i amfiet. Haust var temaet for samlinga denne gongen og elevane på dei ulike stega hadde førebudd seg godt. Me fekk høyra både fine songar og flotte dikt. Hallvard og Solveig frå 2.steget gjorde ein glimrande jobb som programleiarar! Fleire bilete>>

Tekst: Anne Brit Holm Foto: Liljan V. Waage

 

Onsdag 15. oktober var elevane frå 1. og 2. steget saman og arbeidde i grupper. Dei fekk bruka staffeli og måla. Dei fekk klippa og lima bilete. Dei fekk vera saman og leggja puslespel. Me hadde ei travel, men kjekk økt.

Tekst: Kari Almås  Foto: Liljan Waage.

 
 
Reknespel
Publisert: Torsdag 25.september 2008 kl 16:30

I dag har me brukt ulike reknespel i matematikken på 1. steget.

Tekst & foto: Kari Almås

 

Eplekake
Publisert: Fredag 19.september 2008 kl 14:25

Onsdag i denne veka vart alle på 1. steget inviterte til å eta eplekake som heimkunnskaps gjengen hadde bake av epla me henta hos Kari Myhre.

Det var litt is i tilegg til eplekaka.

Tekst: Kari Almås  Foto: Kari Myhre


Treet vårt
Tysdag 9.september kl 15:15

1. årssteget har vore i skogen og funne treet som skal vera vårt. Det er eit lønnetre. Dette treet skal me følgja gjennom året og sjå korleis det går med det.

Tekst  foto: Kari Almås

 
Me haustar eple
Fredag 5.september kl 13:45

Fredag 5. september var 1. og 6. steget i hagen hos Kari Myhre og hausta eple. Der var det mange epletre med kjempemykje eple på.
Om eit par veker skal elevane på 1. steget verta inviterte på eplekake av dei på 6. steget.

Tekst og foto: Kari Almås
 
Matematikkgrupper
 Onsdag 3.september kl 09.30

Kvar veke har 1. og 2.steget matematikkgrupper saman. Elevane er på ulike stasjonar der dei arbeider med data/smartboard, spel, teljing og konstruksjon.

Tekst & foto: Anne Brit Holm
 
Les for meg!
 Tysdag 2.september kl 12:45

6.steget har i dag lese til fadderborna sine. Me hadde ei koseleg stund i lag.

Tekst & foto: Egil Petterteig
Heile skulen er på tur
Fredag 29.august kl 11:00

I dag er heile skulen på tur til Mjelkevikjo. Her er eit mobilbilete direkte frå turen. Fleire bilete kjem når elevar og lærarar er tilbake frå turen.
 Oppdatert kl 14:00! Her finn du bileta frå turen>>

Tekst: Lars Bakka Foto: Egil Petterteig
 

Første skuleveka er slutt
Publisert: Fredag 15.august kl 15:30

Fredag 15. august har 1. og 2. steget hatt leikestund saman. Dei har leika både ute og inne.

Tekst: Kari Almås Foto: Anne Brit  Holm
 

Førskuledag
 Publisert: 28.05.08 kl 12:50

I dag var det førskuledag ved Sagvåg skule. Flinke elevar på 5.steget er fadrar og tok godt imot elevane på 1.steget.

Tekst: Lars Bakka Foto: Egil Petterteig

 

 

1.steget 08/09 på vitjing
 Publisert: 2.april  2008 kl 11:50

Onsdag 2.mars vitja elevene som skal ta til på 1.steget hausten 2008 Sagvåg skule. Elevane var på skulen frå 10:30 til 12:00 og hadde samling med rektor, Kari Almås og leikestund med elevane som går på 1.steget no. I dag kom  dei som går i barnehage sman med barnehagegruppa.  Onsdag 28.mai vert det førskuledag der foreldra er med.

Tekst: Lars Bakka Foto: Lars Bakka og Gerd Helen Leth

       

 
Sag08 var på innskriving
Publisert: 7.november 2007 kl 18:30

Onsdag kveld var elevane som skal ta til på 1.steget hausten 2008 på vitjing til skulen vår. Dei laga fine teikningar og fekk møta Kari, Queensway og rektor. Du finn fleire bilete på sida til sag08>>

HUGS REFLEKS!

Tekst: Lars Bakka  Foto: Bjarte Fjellanger /Lars Bakka