Fotballdag for småskulen
Publisert: Fredag 28mai 2010 kl 15:00

Onsdag var det småskulen sin tur til til å ha fotballballdag saman med Litlabø og Tjødnalio skular.Det var litt kaldt denne dagen,men humøret var på topp. Innsatsen under kampane var det heller ikkje noko å seia på. Det såg ut som om alle hadde det kjekt. Elevane takka kvarandre for kampane og var like høflege og blide enten dei hadde vunne eller tapt kampen sin.

Fleire bilete på sidene til 1.kl, 3.kl og 4.kl

Foto: Lærarane på småskulen Tekst: Brita Flatøy

Matematikkdag for småskulen
Publisert: Tysdag 18.mai 2010 kl 00:20

Onsdag etter mat hadde elevane i 1. - 4. klasse matematikkaktivitetar utandørs. Dei var delt inn i aldersblanda grupper og var innom ulike stasjonar der dei fekk både rekna, telja, måla og vega. Alltid kjekt med kjekke aktivitetar på tvers av stega :-)

Tekst & foto: Jenny Sætre Skjønberg

Kunstutstilling
Publisert: Måndag 3.mai 2010

Sjøvett
Publisert: Torsdag 15.april 2010 kl 22:45

1. klasse er med på ein sjøvett-konkurranse i regi av "Eliasklubben". Denne veka fekk elevane illustrera Elias sine sjøvettreglar i lego og modelkitt. Me har teke bilete av resultata slik at me kan senda dei inn
 :-) Fine teikningar er òg undervegs.

Tekst  og foto: Jenny Sætre Skjønberg

1. klasse på spasertur
Publisert: Torsdag 15.april 2010 kl 22:45

Onsdag gjekk me oss ein lengre tur i finavêret. Det har vore mykje aking og leik i skogen på turdagane våre i vinter, men no når snøen er borte vil me ut gå. Denne gongen gjekk turen til Nysæterstølen, der Malin Sofie og Iselin Therese fekk visa kor dei bur :-)

Tekst  og foto: Jenny Sætre Skjønberg

Sosial samling
Publisert: Torsdag 25.mars 2010 kl 14:30

Torsdag 25. mars var det sosial samling for klassane på småskulesteget. Songane alle song handla om vår.
Alle klassane deltok med song, dikt og dans.
Fleire bilete

Tekst og foto: Kari Almås

Påskeverkstad
Publisert: Onsdag 24.mars 2010 kl 15:30

I dag hadde heile småskulen påskeverkstad dei to fyrste timane. Det var studentane som stod for organiseringa og  aktivitetane denne gongen. Elevane laga påskekyllingar med fjør og ulike påskekort. Både studentar og elevar såg ut til å vera fornøgde med økta.
Fleire bilete

Tekst og foto: Ann Karin Ystevik

Påskevandring for 1.klasse
Publisert: Måndag 15.mars 2010 kl 11:15

I sist veke var 1.klasse på 'påskevandring' i Nysæterkyrkja.

Tekst & foto: Elisabeth Magnussen

I dag har første og andre klasse vore på tur saman. Me hadde ved med oss på ei trillebår, så me hadde bål til å steika pinnebrød på. Ungane kosa seg i den djupe snøen, og det vart laga mykje fint. Ein kjekk tur med kjekke elevar :-)
 

Tekst: Jenny Sætre Skjønberg Foto: Egil Petterteig

Treet vårt
Onsdag 10.februar 2010 kl 13:15

I dag var første klasse på tur i skogen for å sjå på treet vårt. Det såg kaldt ut å vera tre og stå heilt i ro i kulden. Godt at me kunne springa og leika for å halda varmen. Det var mykje kjekt å finna på sjølv om turen ikkje var så lang. 

Tekst & foto: Egil Petterteig

Siste timen i dag hadde elevane i 1. og 2.klasse leikeval. Sjølv om det var kaldt, var det fleire elevar som ville vera ute. Nokon akte medan andre leika i snøen. Alle såg ut til å ha det kjekt!

Leik i snøen
Publisert: Onsdag 6.januar 2010 kl 20:30

Tekst: Lars Bakka Foto: Jenny Sætre Skjønberg

I dag var det tradisjonell adventsamling igjen. For elevane i 1.klasse starta dagen med å gå Lucia til alle klassane. Fleire bilete>>

I dag har første klasse vore ute og sett på treet vårt. Det er ei lita fin ask rett nede i vegen. Når me fann treet kunne me sjå på blada at det var ei ask, men kvar var alle blada no? Me skal fylgja treet i nokre år, så me håpar det veks godt.  Her er også ein liten film>>

Tekst & foto: Egil Petterteig

I dag har elevane på småskulen hatt framføring av songar, dans og dikt som dei har øvd på dei siste vekene. Det var ei kjekk samling. Elevane viste seg frå si beste side både når dei sjølv opptredde og ikkje minst var dei eit fantastisk publikum. Fleire bilete>>

Tekst: Brita Flatøy Foto: Egil Petterteig & Kari Almås

Norsk, matematikk og naturfag
 Publisert: Måndag 21.september kl 14:50

I dag har me jobba med bokstaven A i norsk, geometriske former i matematikk, og vore ute for å finna raunebær som me har laga fine hjarte av. Me har hatt det kjekt med studentane, og jammen har me lært noko og :-)  Fleire bilete>>, og her er ein liten film>>

Tekst og foto: Egil Petterteig

I dag var 1. og 6. klasse på tur til Utslettefjellet. Véret var skiftande, men vi hadde stort sett opphald. Elevane var nøgde med utsikten, og alle ville visa huset sitt. Etter ein litt våt matpause byrja turen nedover igjen. Det virka som om alle elevane kosa seg, og det var ingen alvorlige knall og fall:)

Tekst og foto: Ole Johannes Stople

Før den første skuleveka var over er 1.klasse i full gang med tekstskaping på Fronter. I dag fekk elevane god hjelp av fadrane i 6.klasse.

Tekst & foto: Lars Bakka, Egil Petterteig

Endeleg kom den store dagen. Dei 21 elevane i 1.klasse vart ynskja vel møtt til første time av kontaktlærarane Jenny Sætre Skjønberg, Egil Petterteig, og sjølvaste ordføraren i Stord, Liv Kari Eskeland. Etter velkomsttale frå ordføraren gjekk turen til samling for heile skulen i amfiet. (Sjå under)

Tekst & foto: Lars Bakka

Det kunne sjå ut som om det var ein gjeng med nye lærarar som kom til Sagvåg skule i dag, men eigentleg var det dei elevane som skal ta til på første steget til hausten som var på besøk på skulen. Her her får elevane testa stolane på pauserommet til lærarane! Fleire bilete>>